蒙面俠梳羅入魔??

曼聯專區 於 24/08/2012 發表 收藏文章
警惡懲奸、鍾意用劍劃z字嘅梳羅(Zorro)唔係虛構人物咩?唔通佢想代替阿Fred做紅魔吉祥物?唔係唔係,講緊嘅唔係蒙面俠梳羅,而係外號梳羅嘅墨西哥新星希陀靴里拿(Hector Herrera)!效力球會帕丘卡嘅中場球員靴里拿今年好紅,因為佢剛剛為墨西哥奪得奧足金牌,仲吸引埋利物浦羅渣士添!而曼聯亦已經正式向帕丘卡問價喇。
梳羅黑沉沉,同紅魔拉唔上關係呀嘛?
Fred the Red:唔好唔要我呀爵爺...爵爺:唔會唔要你呀...唔好痴咁埋啦!

對於大家對佢咁有興趣,佢就咁講:「到今日我都未知發生咩事,我淨係聽到啲傳聞咋。我未同帕丘卡嘅主席見過面,亦未見過曼聯嘅代表。老實講,我唔知我嘅好表現咁快就可以令大球會注目,亦唔認為我可以好快就去歐洲發展,不過如果真係有機會,我一定會試!如果我有幸可以認識小豆就最好啦,不過我真係未有機會識到佢住…」
希陀靴里拿!

對於曼聯同利物浦嘅興趣,帕丘卡的運動總監聲稱已經收到正式問價,亦已確認兩隊都真係有興趣,如果「梳羅」靴里拿真係想走,球會都會尊重佢意見嘅。到呢到,筆者就認為佢加盟曼聯的成數大啲喇,因為小豆係佢同鄉嘛!「梳羅」靴里拿與「小豆」靴南迪斯嘅合作,你期唔期待呢?
小豆你識唔識佢架?

如果喜歡我們的文章,請即分享到︰

標籤: 梳羅  希陀靴里拿  墨西哥  小豆  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→