莫耶斯有工開?

曼聯專區 於 04/11/2014 發表 收藏文章
離開曼聯之後,莫耶斯的未來成疑,雖然一度與熱刺等球隊拉上關係,不過最後都未有落班。然而最新的消息指,西甲球會皇家蘇斯達有機會搵莫耶斯「開工」!

情況其實非常嚴峻,皇家蘇斯達現教練阿拉沙迪(Jagoba Arrasate)周六輸俾馬拉加,計計埋埋9月10月未贏過波、1勝3和6敗排西甲尾二之餘,歐霸亦出咗局,球隊對阿拉沙迪的耐性終於用完,周日就被炒咗。如果佢真係由莫耶斯接替,一開始就要面對西甲的降級旋渦。

不過莫耶斯並非惟一的選擇,西布朗的美爾亦在蘇斯達的雷達之中。不過據講莫耶斯對呢份工都幾有興趣,可能佢今次真係有工開喇…正所謂阻人搵食,罪大惡極,今次搵唔搵到食呢莫耶斯?
有工開啦...可能...
不過西班牙波易唔易教架?
皇蘇唔易處理,佢哋今季表現麻麻...
標籤: 莫耶斯  

留言


請按此登錄後留言。未成為會員? 立即註冊
    快捷鍵:←
    快捷鍵:→