莫帥遺愛:ESPN指勞基梳爾成魔在即!

曼聯專區 於 28/04/2014 發表 收藏文章
ESPN又爆料,今次矛頭直指向格拉沙家族!根據曼聯的消息人士透露予ESPN,原來上季曼聯曾經與「兩大重要收購」擦身而過,而失敗的主因是老闆唔肯撐。而曼聯CEO艾活華因為呢件事好唔開心。所以,大家唔好再怪莫耶斯買人不給力,其實始作俑者係格拉沙家族「風吹皇帝褲囊」!

為咗唔好重蹈複轍、再來一個白果味濃的夏天,曼聯決定早早出擊,唔好話球季完未,就連世界盃都未打、新帥誰屬都未知,已經要買定人。而呢個可以話係莫帥的遺愛之一,因為ESPN得到內部消息指修咸頓的勞基梳爾傳聞與成魔只差一步之遙,而幕後出力最多的正正就是莫帥。

而除了梳爾之外,曼聯仲想在決定新帥之前再買入一大牌球星,其中又以卡雲尼、法比加斯的呼聲頗高,因為二人都未能在聖日耳門及巴塞中司職自己擅長的位置。修咸頓的三獅新貴拉爾拉拿亦是曼聯的雷達目標之一。更有傳愛華頓的史密斯高文亦有機會成魔,而作為籌碼,卡華利可能「以將易將」,與高文交換東家。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→