舒米高：後防無指揮官！ 精選

足球唔係一個人打嘅，喺11個人嘅大團隊入面，當然要有好好嘅合作，同埋球員要有化學作用先可以，而舒米高就表示現在的曼聯就係欠缺咗一位後防的大將領軍，只要有呢個人出現，好多問題都可以迎刃而解。

佢對曼聯後防的人腳批評一啲都唔留情面：「雲高爾出邊個後衛都好，其實都無一個係可以擔任到後防指揮官的工作，佢好需要一個完全統領後防線的大將，呢位球員要做到一件事，就係同隊友講：『我哋要咁做先啱！』不過，現在我哋根本就無呢位球員在場。喺我仍在曼聯的日子，總係會有一位後防指揮官在陣，會為防守負最大的責任。好多原因之下，我哋現在無呢種球員。星期日迪基亞做得好好，佢想為後防帶來更穩定的表現，所以佢銳意打前啲，希望可以統率禁區6碼之內的範圍，甚至親自出迎對手的斬中波。」
梗係啦，當年舒米高前面嘅係布魯士、巴里斯達，後期就有史譚做防守大將，個個都係獨當一面！唔好講咁遠，鋼門雲達沙的拍檔係正值當打的維迪加里奧費迪南，淨係佢兩位都幫雲達沙擋走唔少危機啦！而今時今日，迪基亞能力上可能拍得住舒米高、雲達沙，不過縱觀伊雲斯、鍾斯、史摩寧、盧祖、布力基，個個都有潛力，不過就無一個有豐富經驗同霸氣，單睇《英超最老鬥最嫩？曼聯原來咁多後生仔！》一文就知，個個都唔過26歲！睇嚟真係要個壓得住台嘅後衛，先幫得到曼聯喇…