(聯賽盃賽事) 曼聯 對 利物浦 賽前預告—曼聯能否反彈成功?

曼聯專區 於 25/09/2013 發表 收藏文章
曼聯 對 利物浦

今場對手一來係利物浦,二來曼聯上場輸完1:4,大家都睇實曼聯可唔可以晌主場即時反彈!

第一焦點當然係莫耶斯對於聯賽盃上嘅關注係點,因為之前費SIR時代,聯賽盃賽事除咗決賽,其他比賽無論遇到咩對手,都會俾一班後備同年輕球員出戰。之不過輪到莫耶斯時代,唔知仲會唔會用呢一個定律呢? 但莫耶斯上仗大敗完,早前已表明要盡全力贏呢場波,所以佢好有可能以強陣應戰,而球員能否體力回復,將成關鍵。
輪換?

另一焦點係前線對決,原本今仗係蘇亞雷斯停賽後回歸,而利物浦亦特意為他安排了幾場友賽,幫佢保持狀態,而利記領隊羅渣士晌場賽前採訪時表明,蘇亞雷斯狀態可以踢足全場,但佢會以咩位置出現,就成問題,因為史杜列治今季打正中打得好好,但放蘇亞雷斯晌誘佢又唔鐘意…之不過曼聯就缺少了雲佩斯,莫耶斯賽前已經表明呢位荷蘭國腳趕唔切復出,而外界就認為以曼聯咁多戰線,唔出雲佩斯都OK,可以俾佢休息下,而曼聯亦可以藉重要程度較低的聯賽盃試下陣,嘗試一下用小豆亦係唔錯選擇!
蘇亞雷斯復出!!!!

最後有人講到費蘭尼適應問題,佢踢過兩場正選都出任防中位置,但球隊防守上不是特別突出,好大原因可能同隊友缺乏默契,仲未融入曼聯體系,令佢不時出現走甩人或同搭檔卡坦克位置重疊! 之不過呢個問題無計,佢加盟無耐,都要俾時間佢,多踢一賽就可以幫到他盡快融入球隊。
加盟無耐,要啲時間!
比賽資料:
比賽時間:香港時間2013年9月26日(星期四)凌晨02:45
地點:奧脫福球場

預計陣容:
1. 網易體育
曼聯(4-5-1)
門將:迪基亞
後衛:法比奧、維迪、伊雲斯、艾夫拿
中場:華倫西亞、卡域克、費蘭尼、卡華利、艾殊利楊格
前鋒:朗尼

利物浦(4-3-3)
門將:米洛列特
後衛:高路托尼、馬馬度沙高、史基泰爾、安歷基
中場:謝拉特、盧卡斯、路爾斯艾拔圖
前鋒:艾斯柏斯、蘇亞雷斯、史杜列治

2. http://www.footballuser.com

3. au.ibtimes.com

4. http://mufclatest.com

球隊資料:
曼聯
- 上陣成疑:/
- 傷兵:菲爾鐘斯、拉菲爾達施華、雲佩斯、費查
- 停賽:
利物浦
- 上陣成疑:艾加
- 傷兵:古天奴、祖阿倫、施素高、格連莊臣
- 停賽:/
雲佩斯今仗繼續成座上客!

交戰紀錄:
兩隊過往一共交手188次,曼聯74勝51和63負佔上風,晌聯賽盃中兩隊交戰過4次,曼聯1勝3負處於劣勢。利物浦上次晌奧脫福擊敗曼聯,已經是2009年3月14日,此後晌聯賽同足總盃賽事中5次作客奧脫福,均錄得全敗。
標籤: 曼聯  利物浦  聯賽盃第三圈  

留言


請按此登錄後留言。未成為會員? 立即註冊
    快捷鍵:←
    快捷鍵:→