維達爾談「成魔撻Q」 卡域克今夏或自由身離隊

曼聯專區 於 22/02/2016 發表 收藏文章
對於曼聯球迷嚟講,曼聯家下個中場線比起上季好啲,表現又出色啲,不過總係好似有啲唔夠好咁…如果,真係有一個機會畀一位頂級中場嚟加盟,你會揀邊個?曾幾何時,其實有一位似層層會嚟到曼聯…

呢一位,就係拜仁中場靈魂維達爾:「曾經有一個機會,我非常接近來到英格蘭踢波。呢個機會出現在上個夏天,甚至有一刻我哋認為個交易已經完成。佢哋對我有興趣令我感到好開心,雖然最後無發生到,而我亦去咗拜仁。」佢無講清講楚,不過外國傳媒都認為呢一間球會正正就係曼聯。點解佢最後無選擇曼聯?定係最終曼聯無出手?真相已經無從稽考,不過睇嚟佢好慶幸自己無「成魔」:「我想去一隊強悍而且有野心嘅隊伍,所以我依家好開心。我家人在德國都過得很好,生活很平靜,而且越來越感到舒適。」

無佢加盟之餘,曼聯今夏亦有可能失去多一位中場球員,佢就係曼聯中場的老大哥卡域克。其實佢曼聯份約今夏就完結,不過會方仍然無續約聲氣,而消息人士就指如果再無動靜佢好歡迎其他球會的招手。好簡單,佢一完約成自由身自自然然就有球會想要,而消息指好多英超球隊已經好心急睇實,不過卡域克本人呢就唔介意出國發展,就連一啲中東球會都已經留意緊佢。

如果5奪英超同埋有一個歐聯冠軍獎牌嘅卡仔真係離隊,咁曼聯陣中中場首選就會係舒拉達連同舒韋恩史迪加,加再一個唔太受重用嘅靴里拉…人腳就有啲唔太夠,不過下年無歐聯的話,勉勉強強都夠用嘅,係唔係?

如果喜歡我們的文章,請即分享到︰

標籤: 維達爾  卡域克  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→