終於脫困!VV外借標準列治!

曼聯專區 於 25/01/2016 發表 收藏文章
方丈份人係點?大家都知,李華度又好、東尼又好,幾大牌佢都唔畀面,最新主角一定係曼聯門將域陀華迪斯。唔知佢咩事得罪方丈啦,投閒置散、訓練又無佢份、預備組又無佢份,要訓練都要自己一個訓,真係慘豬豬到無人有。不過當大家以為佢仲要挨多半年次時,方丈終於格外開恩喇!

救走...唔係,係借走華迪斯嘅係比利時甲組聯賽球隊標準列治,完成埋體測就可以走架喇。會方當然對域陀華迪斯來投來表示歡迎啦:「其實幾好架,有vv入隊,可以畀陣中年輕龍門學下嘢、發展潛能,有著數呀!」其實呢一句都係落緊方丈面架喇,佢咁好經驗,到到都可以分享到自己成功秘訣啦,唔通喺曼聯佢就自動變傻仔咩!不過點都好啦,見住VV下下上社交網都話自己好努力「獨自訓練」,真係心都痛埋,家下有得出下場比賽下,又可以改變下環境,都祝福佢明天會更好啦!

不過更重點嘅係,方丈今次開綠燈嘅原因,既然佢一直都唔想畀好日子VV過,點解突然又決定畀佢外借?情況可能有2個,一就係佢終於都睇通咁樣整死域陀華迪斯唔係一件好事,一係就有人畀壓力佢。前者機會真係唔太大,所以好可能係後者喇。正如大衛基爾講,曼聯用咁多錢都係發揮於水準之下,上頭點都會有壓力,家下仲要白白養一個唔用的球員,高層們點都會有微言。之前聽哂雲帥話,或者都仲畀佢繼續放逐VV,家下成績麻麻,佢自己都受唔少壓力嘅時候,隨時係老細開口叫佢好借走VV喇。如果呢個係真,即係雲帥的壓力一日比一日大,唔知會唔會加速佢產生「急流勇退」嘅念頭呢?

有邊個估到今日會變成咁...

如果喜歡我們的文章,請即分享到︰

標籤: 域陀華迪斯  

留言


請按此登錄後留言。未成為會員? 立即註冊
  • wongkit517 於 26/01/2016 評論 NO. 1

    巴塞打正選 曼聯預備都冇

快捷鍵:←
快捷鍵:→