紅魔欲促成盧祖轉會 或取談判一途 精選

曼聯喺失去咗購入華美倫嘅機會之後，繼續在轉會市場搵新的球員，而突然跑出的是阿根廷左閘盧祖，無計，因為雲高爾真係好需要一個左腳後衛，另一方面又有梳爾傷四個星期，開季呢幾場真係人腳唔齊。

而最新消息指，曼聯向士砵亭開出的1590萬鎊轉會要求已經被拒絕，更難搞嘅係盧祖嘅經理人公司威脅要將事情鬧上法庭，令大家都唔好做。故事係，盧祖嘅經理人公司其實擁有佢75%的擁有權，所以佢哋認為士砵亭賣咗盧祖之後，有3/4嘅收入要俾佢哋。可能因為咁啦，士砵亭雖然已經唔俾盧祖去打友賽，不過又唔肯賣人，令三方都陷入僵局。你話經理人公司會點？當然係「捍衛利益」直到最後一刻啦…
不過咁，越拖對曼聯越係無好處，尤其係鬧上法庭的話，真係過多幾年都買唔到。所以消息話曼聯傾向用談判去解決件事，目標係令經理人公司攞到想要的價錢之餘士砵亭又放人。其實阿根廷有唔少球員都係咁嘅複雜合約情況，好似當年迪維斯同馬斯查蘭奴都有類似情況，所以問題雖然麻煩啲，不過曼聯其實有應對經驗，如果真心想買，應該唔難！