紅魔危機！今屆冠軍是紅是藍？

今季已比賽的16場作客比賽之中，曼城勝出7場、和4場，敗陣5場。當然對其他球隊而言呢個表現十分不俗，不過以爭標隊伍而言，佢哋係無咗23分！面對餘下3場作客，即對諾域治、狼隊及紐卡素的比賽，呢9分曼城有能力攞幾多走呢？
紐卡素都是硬仗！對曼城來講
另一方面，文仙尼玩緊火。在紅魔自斷一臂、敗陣於韋根之後，文仙尼表現出一副絕望樣子，絕對悲情咁話：「紅魔輸又點？球季實際上完咗啦！邊有得追？」其實呢句說話絕不真心，5分距離唔穩陣之餘，仲有場曼市大戰未打。一個唔該曼城贏埋，曼聯就危危乎喇…咁點解佢要講呢？呢個激將法我諗大家都有眼見，目的係令餘下5場波曼城球員場場搏命！不過呢個激將法用係向心力成疑嘅藍月亮身上真係唔知會點，無反效果出現尤自可，一旦無法令軍心一致，隨時打亂自己陣腳！
唔通隻手後面係笑緊？？
曼聯自己面對嘅問題雖然相對較少，不過對爭標有直接的影響。特別係關鍵時候敗於韋根，對軍心的影響尚係未知之數。如果下場對陣維拉時可以取勝，仲有機會重振旗鼓，在餘下的4場賽事放手一搏。反之，如果再敗一仗或者和波，氣勢一失隨時接連失利，雙手捧上冠軍與曼城都唔係無可能。
輸咗就係輸咗，唔好再諗喇！
不過無論點都好，曼市打比戰都會極為重要，曼城如能雙殺曼聯，咁就可能要鬥到最後先知鹿死誰手；反之曼聯復仇成功，隨時可以於曼城主場捧盃！是天堂還是地獄，就要等月尾喇！
決勝負啦！！