唔知係雲帥表達得唔好，定係英媒自作多情啦，原來一直以來雲高爾口中的「特別一簽」竟然唔係前鋒！喺完成對聖荷西地震嘅比賽之後，佢就同傳媒講，原來大家都會錯意喇…
佢咁講：「連我自己都唔知自己想買前鋒噃。我睇先知傳媒認為我個『驚喜收購』係前鋒，不過我真係無咁講過噃。大家咁講還咁講，我真係唔係咁嘅意思啦。我哋已經有朗尼，佢可以打前鋒嘛，傳媒都叫我咁做噃。迪馬利亞去唔去PSG？我只可以話，需要出聲時我先會講嘢，依家我可以講嘅係天使會在7月25日join返我哋。」咁當日佢真係講「小豆有機會啦，威爾遜有機會啦，可能我哋仲有一個特別一簽嚟緊」，又真係無講係前鋒嘅…暗示過係前鋒囉……
對於聖荷西一戰，雲帥自己就一半滿意啦：「上半場我收貨，佢哋製造好多機會，有成10個。最後有2個入波，我都幾滿意。下半場就打得差喇，成日失控球權，唯一亮點只有彭利拿嘅入波。」而佢亦都談到小豬：「佢都打得唔好。球員總會表現唔好，尤其係只有3-6日的訓練之下要比賽45分鐘的情況之下。好多人都認為要融入一隊球隊唔難，其實真係唔易囉。上一仗小豬打得幾好，不過今仗就麻麻。有上有落，都係融入球隊的必經過程。」
咁樣樣即係話，傳說中嘅湯馬士梅拿、洛蘭迪甚至係柏度都應該唔係雲帥的目標啦…咁，其實係邊個呢？前鋒又唔係，中場又買夠，翼位又有迪比、迪馬利亞、楊格華倫，剩返只有後衛同龍門…咁大個驚喜，你唔好同筆者講你買泰利返嚟噃……朗尼單天都可以保至尊？或者佢啦
佢咁講：「連我自己都唔知自己想買前鋒噃。我睇先知傳媒認為我個『驚喜收購』係前鋒，不過我真係無咁講過噃。大家咁講還咁講，我真係唔係咁嘅意思啦。我哋已經有朗尼，佢可以打前鋒嘛，傳媒都叫我咁做噃。迪馬利亞去唔去PSG？我只可以話，需要出聲時我先會講嘢，依家我可以講嘅係天使會在7月25日join返我哋。」咁當日佢真係講「小豆有機會啦，威爾遜有機會啦，可能我哋仲有一個特別一簽嚟緊」，又真係無講係前鋒嘅…暗示過係前鋒囉……
對於聖荷西一戰，雲帥自己就一半滿意啦：「上半場我收貨，佢哋製造好多機會，有成10個。最後有2個入波，我都幾滿意。下半場就打得差喇，成日失控球權，唯一亮點只有彭利拿嘅入波。」而佢亦都談到小豬：「佢都打得唔好。球員總會表現唔好，尤其係只有3-6日的訓練之下要比賽45分鐘的情況之下。好多人都認為要融入一隊球隊唔難，其實真係唔易囉。上一仗小豬打得幾好，不過今仗就麻麻。有上有落，都係融入球隊的必經過程。」
咁樣樣即係話，傳說中嘅湯馬士梅拿、洛蘭迪甚至係柏度都應該唔係雲帥的目標啦…咁，其實係邊個呢？前鋒又唔係，中場又買夠，翼位又有迪比、迪馬利亞、楊格華倫，剩返只有後衛同龍門…咁大個驚喜，你唔好同筆者講你買泰利返嚟噃……朗尼單天都可以保至尊？或者佢啦
請按此登錄後留言。未成為會員? 立即註冊