簡大帝:點會無興趣教曼聯

曼聯專區 於 15/11/2012 發表 收藏文章
費SIR接班人呢個問題講咗好多年,講嚟講到嘅人選有包括莫耶斯、哥迪奧拿以及摩連奴,當然近期就有蘇斯克查,之但係及後大家侯選人方面要留多一個位俾以下呢一個人,呢個係邊個? 咪就係「簡大帝」簡東拿!!!
當年的曼聯7號主人——簡東拿...

依家晌紐約宇宙隊擔任球隊總監嘅簡大帝,日前晌訪問中被問到佢會唔會接費SIR班去教曼聯時,佢就話喇,「我可以講嘅係曼聯係一間好特別嘅球會,依家我晌紐約宇宙隊到教波,但如果有一日就係有咁嘅機會,我點會唔去嘗試?
費SIR同簡大帝依舊關係好好...

及後簡大帝當然就係大讚費SIR嘅貢獻,仲認為係費SIR令佢嘅球員生涯可以取得成功,「費SIR依家仲好後生,好有ENERGY,依舊對比賽情有獨鐘,對球員付出好多好多好多,我好鐘意睇住曼聯贏波,當然有得揀嘅話,最好費SIR可以教足一世。

「費SIR係天生嘅勝利者,正正因為咁佢先可以贏到咁多場波,佢每一場波嘅表現都好似職業生涯第一次帶隊咁,將佢個人嘅熱情、佢對比賽嘅投入以及贏波嘅決心,一一咁呈現晌大家眼前。」
昔日合作令簡東拿成名,佢當然不忘費SIR...

如果簡東拿無晌97年突然間宣佈退休,佢好希可能可以同依家嘅傑斯同史高斯一樣,可以為曼聯效力多15年,對此,簡大帝就話對當年決定無後悔,「傑斯同史高斯唔同我,晌我20歲嘅時候曾經接受過訪問,當時我講過只要我對足球失去熱誠以及心中那團火,我就會退休去做其他嘢,但傑斯同史高斯好明顯仲好想打波,心中仍然有那團火,只要佢哋永遠都有呢個動力,佢哋就可以永遠踢波,只可惜我個人團火已經熄咗,令我退休。」
只要佢哋永遠心中有那團火,佢哋就可以永遠踢波..

如果喜歡我們的文章,請即分享到︰

標籤: 曼聯  費格遜  簡東拿  簡大帝  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→