碧咸談今年英超冠軍：我覺得係曼聯！ 精選

講到今件邊個係英超冠軍，咸爺就同大家講：曼聯囉！佢咁講：「我知道莫耶斯跟爵爺學咗好多嘢，因為佢係咁多領隊入面，最常打電話同爵爺傾計嘅。大家要知道，繼承爵爺係一個好難嘅工作，因為爵爺為曼聯帶來太多了。不過雖然領隊唔同咗，球員都仲喺到，而且我好肯定接下來幾星期將會有新將加盟，曼聯會更強。今年的比賽會好有趣，因為英超有好多改變，摩帥返咗嚟，所有嘢都變得有趣。不過，我仍然覺得曼聯可以衛冕。

對於朗尼，我好想佢留低。因為佢真係好有潛力，我覺得佢不折不扣係曼聯嘅代表性球員。明顯地，留唔留低係佢嘅決定，亦只能係佢自己嘅決定。作為曼聯的粉絲，我想最好嘅球員留在曼聯中，所以我好想下季見到佢。」

咸爺就咁諗啦，筆者都好想，不過首要嘅係擴軍！艾簡達拿就唔駛諗喇，不過剛剛浮上面嘅法比加斯，唔知又買唔買到呢？雲佩斯，快啲落下咀頭啦！
法比仔：喺曼聯過得好唔好？雲佩斯：你過嚟試下就知啦！