碧咸撞車圖曝光！ 精選 推薦

上周英國傳媒一直有報道指出碧咸同佢大仔布魯克林撞車，碧咸帶兒子布魯克林參加阿仙奴U16比賽返屋企嘅時候發生車禍，幸好兩人冇咩大礙，之不過架車就嚴重損毀，令佢哋唔可以駕車返屋企。如今終於有圖有真相，《每日郵報》曝光車禍現場圖片，晌照片中見到車禍破壞程度都幾嚴重，兩車都有明顯損壞，汽車碎片亦都係滿地散落。

報導仲指出一位晌現場目擊者表示，碧咸父子受到好大驚嚇，佢肩膀只有少少傷，不過佢架車就被撞壞咗。」
而傳媒亦都搵番之前資料，表示今次係碧咸同布魯克林第3次遭遇車禍。2011年5月，兩者晌洛杉磯高速公路上曾遭遇連環撞車，幸好當時兩個都宥扣上安全帶而沒有受傷。2013年10月尾碧咸亦試過撞車，咁啱車內坐著又係大仔。