眾星齊撐迪基亞 唯獨連迪加特

曼聯專區 於 16/08/2011 發表 收藏文章
有睇過曼聯晌社區盾同對西布朗兩場波之後,相信各位曼聯迷都睇到提心吊膽,怕嘅唔係怕球隊追唔到,贏唔到波,怕嘅就係我哋紅魔嘅新一代門神 – 迪基亞…
除咗球迷外,就連一啲旁述都係咁話迪基亞要為幾球失波負責…雖然佢就受盡外界批評,但係隊中上上下下就一齊力撐呢位「雲達沙接班人」…

迪基亞:大家唔好再話我喇...


第一個當然係費sir喇,佢就話:「就算舒米高啱啱嚟英超都曾犯錯喇,因為西甲同英超都唔一樣,佢係需要啲時間適應。縱使舒米高有犯過錯,但佢最後都成為咗史上最偉大嘅門將。」

第一支持者:費sir


至於助教費倫都公開力撐:「無論後生定好有經驗嘅門將都會犯錯呀喇,我們呢一刻,係應該對迪基亞投下信任一票,佢將會係英超入面其中一位出色門將。」



而佢後防拍擋之一史摩寧都話:「佢晌季前熱身賽中都有做過唔少精彩撲救,且佢又有敏捷嘅身手,他必定會成為一位頂級門將。」

第3支持者:史摩寧

最後,就連舒米高都出嚟都佢講句好說話:「我有睇過佢晌西班牙嘅表現,真係好出色…就連佢晌歐國盃u21嘅表現都好好,但球會始終同國家隊唔同,再加上呢隊係曼聯,壓力一定會好大。」



雖然咁多人撐佢,但連迪加特就講到明要搶位:「我嚟曼聯就係要做正選,我相信費sir決定邊個出場,並唔係由佢哋嘅身價來定奪。我對我自己信心十足,我希望可以成為球隊正選。雖然大家同位置有競爭,但其實我同迪基亞都好似,我相信可以晌佢身上學到一啲嘢,或者佢都可以晌我身上學到嘢,希望大家互相提點。」


如果喜歡我們的文章,請即分享到︰

標籤: 曼聯  迪基亞  費格遜  史摩寧  連迪加特  

留言


請按此登錄後留言。未成為會員? 立即註冊
    快捷鍵:←
    快捷鍵:→