爵爺：歐霸首戰淨勝2球？唔夠！ 精選

昨天的比賽真係有得有失！雖然有當打華倫西亞勇戰受傷，不過亦有一班十字軍傷癒返回賽場，好似蘭尼、鍾斯就打足全場，而更驚喜嘅當然係受傷4個月嘅基華利終於回到綠茵場上！雖然只係打咗61分鐘，不過佢嘅表現已經非常對版！準確及富有創造力嘅傳球，使大家對久休復出嘅基華利有更大嘅信心！
鍾斯噃！蘭尼噃！

不過爵爺對作客淨勝2球的結果並不滿意噃。佢話：「我認為比數反映唔到球隊表現，我哋嘅表現唔值得入2球。上半場真係打得好差，我哋根本控制唔到比賽嘅節奏同速度。阿積士傳波做得好好，呢個交波系統令我哋無啖好食。雖然下半場我哋醒返打返出水準，不過上半場嘅問題係自己攞嚟。
我哋速度唔夠快，而對方的中後場擁有好多控波時間，好彩下半場我哋有改善，搵到破門機會。總體而言都係一個好結果嚟嘅，作客入兩球都已經好唔錯。不過真係可以打得更好囉。」
小豆都搏哂命架！
楊格入波！
都啱嘅，有時贏波都要從中學習！所以都明白爵爺點解咁高要求嘅！不過從曼聯的隊形而言，基華利的傷癒對球隊的幫助真係好大，佢自己打足全場固然無問題，要佢同史高斯輪換或者一人打半場都係好選擇！所以，今場的亮點絕對係基華利啦！聰明仔，靠你喇！
都係聰明仔受歡迎！