爵爺:朗尼代替史高斯,轉型打中場?唔會喇!

曼聯專區 於 20/07/2011 發表 收藏文章
接受ESPN soccernet 訪問時,爵爺話唔會要朗尼轉型打中場!其實一開始點解會有人想朗尼轉位嘅呢?好可能係因為上一季佢打後少少,以攻擊中場的身份與小豆組成強大鋒線,令人諗到可能佢可以好似大師兄史高斯咁由前鋒轉型打中場!

不過爵爺就唔係咁諗喇,佢話:「朗尼可以打中場,不過佢同史高斯的打法完全唔同,所以都係唔好喇!朗尼的強勢在於爆發力驚人,而且球場上到到都見到佢,所以以用唔盡的體力去壓迫對手、搶到波,再作出致命傳送先係最適合佢的打法。」
「相對而言,史高斯就好精打細算,佢會控制到好多嘢,包括控制比賽節奏啦,比賽速度等,而呢一種打法係好困難的,真係無咩人做得到!根本唔可能搵到人代替佢,你只能搵到同佢接近的人選,不過唔可能有人能真正的取代佢。我哋都搵緊一個可以拍得住史高斯的球員,其實有邊個唔想搵到一個可以令成隊球隊完全唔同哂嘅靈魂球員呢?」

咁…史奈達又得唔得呢?有佢可能曼聯都會脫胎換骨!不過爵爺就話,對於史奈達的轉會真係無咩消息可言,惟一可以講就係一個字:「難」…

不過對於下季展望,爵爺仲係好有信心,特別係提到一眾新人:迪基亞、鐘斯、同楊格,再加上兩位外借完返來的新星:韋碧克同基華利,成隊入面有12個22歲以下的青年軍,絕對可以在下季一拚!更重要的,係隊中仲有唔少有經驗的大阿哥,好似維迪、艾夫拿、里奧,仲有傑斯、卡域克、奧雲,老中青都有,爵爺話咁嘅隊伍最健康,一定可以有新火花咁話!

來源:ESPN soccernet

朗尼:我邊學到你呀史高斯!史高斯:梗係!淨係著巴塞波衫你都已經學唔到!
韋碧克同基華利!潛力有幾大呢佢哋?
不過講潛力,呢3位都唔會差過韋碧克、基華利!

如果喜歡我們的文章,請即分享到︰

標籤: 朗尼  史高斯  韋碧克  基華利  迪基亞  鐘斯  楊格  

留言


請按此登錄後留言。未成為會員? 立即註冊
    快捷鍵:←
    快捷鍵:→