爵爺:傳媒已經當朗尼係第二個加斯居尼

曼聯專區 於 09/01/2012 發表 收藏文章
朗尼足球上嘅技術當然拍得上加斯居尼啦,不過呢到講嘅係傳媒對佢嘅態度會同當年對加斯居尼一樣:你做好事咩,報!你做衰嘢咩?更加報!總之係朗尼做嘅嘢,就咩都會報!
加斯居尼當年都好好波架!

無計,唔可能稱得上乖嘅朗尼真係頭條常客,上星期對布力般連後備都無,原來都係因為唔乖,聖誕節同伊雲斯、吉遜去莆去夜街搞到training時手軟腳軟,被爵爺罰。不過件事未完,佢去玩時被狗仔隊影哂相,仲被大篇幅報導添…爵爺就話佢係頭條的常客,傳媒對朗尼的留意程度爆哂燈,打好波都由自可,一有咩衰嘢做咗,一定通哂天人人都知,對朗尼的打擊可大可小,情況就同當年英格蘭的大將加斯居尼一樣,好波就好波喇,私生活唔檢點,成日成為傳媒焦點…
好彩打得好!
唔係又被人話唔乖啦!

好彩昨天曼聯於FA Cup拿下曼城,朗尼的私生活問題被擺埋一邊。而佢入第一球波嘅時候親吻紅魔會徽,顯示自己的忠誠之心,仲係賽後表示會在曼聯繼續效力一段好長的時間,都為佢加咗唔少分。不過如果佢仲繼續唔檢點,就好難講會點喇!

講返尋日場波,原來朗尼佢哋都係最後一刻先知史高斯再次出場!仲要係去到更衣室,大家先知老大哥會係後備席。而爵爺表示,史高斯後悔自己的掛靴決定,佢好掛住綠茵場,所以決定返來。佢仲話,史高斯係今季陣中一個重要的「收購」,係下半季的重要棋子之一。不過以戰論戰,尋晚史高斯的表現真係麻麻,交失波、甩波的情況都唔少,好似第二球阿古路的入波就係攞到史高斯甩咗嘅波而射入嘅…如果佢真係爵爺下半季的重心球員,唔知係唔係好事?

如果喜歡我們的文章,請即分享到︰

標籤: 加斯居尼  朗尼  

留言


請按此登錄後留言。未成為會員? 立即註冊
    快捷鍵:←
    快捷鍵:→