爵爺解話:史奈達唔係心目中理想人選

曼聯專區 於 08/09/2011 發表 收藏文章
費爵爺近日前往意大利羅馬,接受體育道德大獎之餘,兼與校內師生交流,《羅馬體育報》就借呢個機會,向佢老人家進行專訪,當中談到荷蘭中場史奈達;以及證實當年曾想收購馬甸尼等。

講到史奈達係唔係史高斯的接班人?爵爺就話呢:「佢唔係最理想的接班人,亦都唔係曼聯想要搵嘅球員,只有沙維同恩尼斯達,先可以同史高斯相提並論。」

沙維同恩尼斯達,先係費sir心見中的接班人...但可惜...


至於好耐之前傳過紅魔曾希望由AC米蘭簽入馬甸尼,爵爺就好坦白咁話千真有此事:「有一次我問馬甸尼的父親,可唔可以俾佢轉會到曼聯,佢聽完之後,望住我,答『你傻咗呀』。」

費格遜原來曾經有一陣子,好想簽入意大利外援,直認當年對托迪同蘇拿都好有興趣:「托迪係羅馬市的代表,永遠都唔會離隊,正如傑斯同史高斯一樣;至於蘇拿,我好鐘意佢,因為佢總係帶著微笑比賽。」

另外,佢又唔認同外界指巴塞為「史上最強」,同埋從無諗過退休。

近排就連奧雲都話,曼聯係唔會怕咗巴塞...


對於被視為「地上最強」嘅巴塞隆拿,爵爺認為同昔日球隊比較,一啲意義都無:「巴塞係史上最強之一,但擁有巴里斯、安察洛堤同荷蘭三劍俠的AC米蘭也是其中之一。」

「現代人記性太差喇,人人依家淨係講巴塞係史上最強,忘記之前都係咁樣形容過AC米蘭。我仲記得上世紀70年代嘅荷蘭、拜仁、以及1967年的些路迪。」

講到「寸王」摩連奴近期晌皇馬備受抨擊,爵爺就顯得不以為然:「佢嘅言行係激情嘅表現,並冇做錯,年青嘅我都曾經咁做過。有啲教練喜歡晌場邊做筆記,而我就喜歡靠大腦去記住啲嘢。」

犘連奴晌英超嘅時候,一直同費sir針鋒相對,但仍好認同摩帥的言行舉止...


即將踏入執教紅魔25周年,爵爺都將年滿70歲,但爵爺講到明,「退休」二字仍未出現過晌佢腦海。

「近幾年,人人都估緊邊個係我接班人。呢個的確係一個難題,因為人選一定要具備長年累月嘅經驗,但我認為一啲有潛力嘅人選,一係半途已被原有球會解雇,, 一係就冇再從事教練工作。」

「但更重要嘅前提係,我從諗過離開曼聯,也未諗過退休。」

費sir接班人,真係要好似圖咁,諗過計過,但呢個問題,幾年後先諗喇,因為費sir講到明無諗住退住...


(內容改編自 now.com)

如果喜歡我們的文章,請即分享到︰

標籤: 曼聯  費格遜  史奈達  

留言


請按此登錄後留言。未成為會員? 立即註冊
    快捷鍵:←
    快捷鍵:→