爵爺與行乞者握手 聖誕送暖

曼聯專區 於 23/12/2014 發表 收藏文章
唔好睇爵爺好似好惡,其實佢都好有關懷之心架。話說佢去曼市47 King Street West食個靚飯,點知見到街邊有個坐輪椅的乞丐,佢就上前同佢傾咗一陣傾,仲同佢握握手,有無俾啲援助佢就唔知喇,不過俾咗啲人情、俾啲溫暖佢就係真嘅!郵報仲幽佢一默,因為個乞丐戴住頂藍色帽,郵報就話爵爺係叫佢換帽,換紅色會旺啲咁話!

不過提到爵爺,其實就唔淨係因為佢同人握手嘅,佢最近都有提到下曼聯,仲讚咗幾位球員:「卡域克一定係英格蘭最佳的中場球員,亦係英國最好的球員。而雲佩斯?世界盃令佢有啲累,不過放心啦,下半季佢就爆發架喇。佢會最後無事。朗尼呢?佢總係可以為你帶來入波。而最令我開心的,當然是迪基亞。買佢時佢仲係一個小朋友,不過佢有好特別的潛力,我真係好開心佢加盟曼聯。依家傷兵咁多,你唔可以期望雲高爾帶來咩好成績,不過當佢最好的球員都回到陣中時,你就要因住曼聯喇!佢係好好的領隊,佢會做得好好。」

而爵爺亦認為,唔需要去評論雲高爾新球員的表現,因為佢哋都未適應。2006年時維迪、艾夫拿都用咗5個月先適應,依家的新球員情況都一樣。而佢亦提到,曼聯的核心精神係來自92一代,而佢哋就係傳承咗畢士比寶貝一代的精神。依家嘅曼聯,就係由呢個歷史、呢個意志組成嘅。
揸揸手先啦!

留言


請按此登錄後留言。未成為會員? 立即註冊
    快捷鍵:←
    快捷鍵:→