爵爺第一印象:史高斯做唔到球員

曼聯專區 於 18/11/2014 發表 收藏文章
爵爺以知人善任享負盛名,同佢唔多信自己第一眼的感覺可能都有關係!原來佢第一眼看到曼聯大將史高斯時,印象係佢太細粒,連做足球員都未必得!而呢位「矮仔」最後贏得11個英超、2次歐聯、為曼聯上陣718次,只係比傑斯同卜比查爾頓少,就知道爵爺無因為佢太細粒而唔用佢啦!

而爵爺亦提到另一個好特別的事情,就係曼聯陣中好多語言天份極高的球員,好多唔做球員都可以有其他職業!好似佢:「我總係被人形容為記憶力唔錯,不過對住艾夫拿就唔係咁講…佢可以講5種語言,而且總係於更衣室入面幫我好多。好可愛的一個人。不過都正常嘅,咁反映出艾夫拿爸爸係一個外交官。」

而一山還有一山高的,係佢:「要講再有天份啲?就要數科蘭!佢都係一個語言專家,都係精通5種語言。不過呢個未係盡頭,佢加盟大阪櫻花之後,用咗1星期準備一個記者會,最後同傳媒講足5分鐘日文。仲唔係勁係咩?」

唔係講笑,艾夫拿爸爸真係一個外交官嚟!而且佢仲出生於一個超大家庭之中,雖然有個離婚3次嘅老逗,不過有25個兄弟姊妹都有啲嚇人,係唔係?而1歲就去咗法國嘅佢遺傳哂爸爸啲語言天份,仲有報導指佢除咗5種語言之外,仲有一段時間學韓文想同星仔朴智星傾計,真係唔講得笑…

如果喜歡我們的文章,請即分享到︰

標籤: 史高斯  艾夫拿  科蘭  

留言


請按此登錄後留言。未成為會員? 立即註冊
快捷鍵:←
快捷鍵:→