活華特:迪比只是開始

曼聯專區 於 15/05/2015 發表 收藏文章
早起的鳥兒有蟲吃,早出手的球會有著數,今年曼聯早早就敲定新將迪比的加盟,比起莫帥時未到最後一刻都唔簽入爆炸頭真係差好遠。因為仲有好多準備時間,加上條水喉又大咗,活華特(Ed Woodward)就拍哂心口話新球員陸續有嚟。

佢咁講:「大家放心,下年我哋陣容必夠深度衝擊各路戰線,包括英超、歐聯同各本土盃賽。雖然我唔會為球會的買賣插手,不過新球員嚟、舊球員走都係可以預見嘅。曼聯高層對於雲帥的領導好滿意,仲有2場比賽的情況下我哋好大機會可以以前4完成賽季,重回歐洲戰場。對於轉會方面,我哋已經開始實行計劃,好似上星期我哋公佈咗歐洲最紅新星迪比將加盟一隊。預計中我哋今年都會在轉會市場好活躍,不過依家深入傾轉會、傾待遇都仲係早咗啲,大家等下啦。」

曼聯下季有新波衫(心心眼),10年之間三間牌會畀紅魔鬼近7.5億鎊的贊助費用,加上活華特「持家有道」,雖然電視轉播收入、比賽日收入都因為無歐聯少咗,不過其他商業活動都有收入增加,於是有錢買人、又有心買人的情況下,睇嚟今夏之後曼聯陣容又會有一番新氣象喇!
喺你身上我學到唔少嘢啦莫帥!
留住彭利拿唔知活華特有無份呢?
不過有佢加盟都真係幾開心!

如果喜歡我們的文章,請即分享到︰

標籤: 活華特  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→