法卡奧：球員難以控制自己命運 精選

其實人都好難控制自己命運，不過今次法卡奧講嘅係球員的轉會，佢形容球員都係打份工，老細要你走，有時真係好難say no：「作為一個球員，真係好難控制自己命運。有時記者問我，點解我唔忠誠？點解唔留在同一個球會踢波？佢哋咁問我真係好想笑架，因為球員真係做唔到決定。問返記者都一樣，點解你唔喺CNN、ESPN做先？足球都一樣，球員對自己轉會的主動權係好少的。好多時我想點生活、點做人，都唔係自己可以控制。我想去某一個球會，最後我會去咗另一間。」

佢仲話，自己好早就知道在馬體會打波的結局會係點：「我知留在馬體會係好困難，因為當時佢哋嘅財政問題好有問題。你記性好嘅就會記得，佢哋當時不斷傳出有需要賣我去籌錢，我亦好清楚情況係點，我唔會留得好耐。不過我其實好開心，在剛剛去到歐洲的時候最開心，波圖、馬體會都有我美好回億。」
咁又難怪嘅，佢真係一粒金蛋，幾年來增值得好恐怖，在河床轉投波圖只係用咗4百萬歐元，馬體會已經用十倍價錢，即係4千萬歐元買走佢。而摩納哥又用6千萬歐元買佢走，幾年來身價大增15倍。如果依家曼聯要買斷佢價錢都係咁上下，要用約5000萬鎊，即係6375萬歐元左右。