楊格缺席比賽為救人！ 精選

昨天香港發生令人非常傷心的事故，不過一眾消防員、水警都盡心盡力救援，盡顯人性光輝一面。而呢一種救人的堅持，就連曼聯的球員亦係與生俱來。就好似上星期六對熱刺的比賽日，全場都見唔到艾殊利楊格的原因，正正就係因為佢要幫手救人！

27歲的楊格原本會出席周六主場對熱刺的比賽，不過就喺奧脫福球場附近目擊一單交通意外，佢二話不說就落車照顧車禍傷者！據悉傷者是一名8歲兒童，當時與爸爸一齊，佢被撞傷後之後倒地大哭，楊格就安慰佢同陪佢去醫院，所以就無去到睇比賽。目擊者咁講：「小朋友個頭部流哂血，佢爸爸抱着佢，而艾舒利楊格就打緊電話，應該報緊警，仲表現得非常緊張！佢睇落完全無理過場波開波未，同受傷的小朋友等到救護車嚟到。見到佢咁有心，真係好感動！」小朋友被送院之後證實顱骨骨折，要留院治理，不過情況並不嚴重。希望佢同一眾十月一日海難的傷者都可以儘快康復啦！