梅倫史甸：佢都唔聽人講嘅。 精選

外間對於雲高爾成魔非常有信心，就連筆者都認為十九不離八了。所以，就連傳媒都已經估計佢會用邊一個做副手呢？

有傳佢會搵堅尼回巢，不過呢個消息越傳就越靜，基本上可以話無咩可能。ESPN就指，兩位重要人物有機會一同成為雲高爾的助手，一位是一上場就大勝一場嘅傑斯，另一位就係前荷蘭隊傳奇射手古華特（Patrick Kluivert）。佢一直都係雲高爾左右手，在巴塞、拜仁時已經協助他，就連荷蘭國家隊入面佢都有一席位，所以今次都好可能一同成魔。佢亦對雲高爾讚不絕口：「雲帥一定是任何球隊的頭號收購，尤其係世界級的球隊。佢去邊到教都無咩所謂，如果我可以留在他身邊，就已經有足夠榮耀。」
不過，其實雲帥可以諗諗呢一位人兄：被炒嘅梅倫史甸。佢幾日前同傳媒咁講：「我唔係因為唔滿意曼聯而離開，而是因為第一次與莫耶斯見面時我就知道自己嘅角色會被削弱。我基於好意嘅意見佢全部唔接納，而他亦對其他球會中成功人士的意見置若罔聞。佢希望可以創造自己手底之下嘅曼聯，無論以咩代價都堅持咁做。如果下一任領隊想我返去曼聯？我絕對願意。」而且，佢都係你同鄉噃雲帥！
先唔好講梅倫史甸係唔係抽水，不過佢呢個講法同3月時曼聯隊中傳出消息，指莫帥完全唔聽傑斯意見的傳言不約而同。究竟莫帥係唔係喜歡閂埋耳仔嘅呢？呢一點已經唔太重要，重要嘅係，雲帥你真係接掌的話，請好好聽一聽，諗一諗。