朗尼：我同羅賓只會越嚟越夾 精選

朗尼晌噚日對史篤城一戰首度聯賽開齋，仲梅開二度，射入咗佢晌英超球會效力以嚟第200個入波，絕對值得慶賀，但對佢更開心嘅係，今場係同雲佩斯同場上陣以嚟第一場同時間兩個都有波入，曼聯第一球入球更係佢兩人嘅合作，點知朗尼賽後話佢哋員會越嚟越夾喇!!!
希望你兩個長夾場場有波入...
朗尼賽後就話喇，「今場波我入咗今年第一個鳥龍波，史篤城晌高空波上有優勢，我嗰球鳥龍波正正就係咁，我MARK住梳高斯，可惜俾佢身位力壓下而擺鳥龍，但幸好我哋後上成功，晌打突擊上有表現從而反超前，我認為球隊今場表現好好，而自己亦無受到擺鳥龍一事影響餘下比賽表現。」
幸好無就烏龍波而影響表現...
其實朗尼呢排嘅狀態係非常之好，繼代表英軍對聖馬力諾取得首個入球後，晌對波蘭一役又有波入，連帶返到嚟球會都繼續入波，「我其實覺得自己狀態好好，所以就算我無為曼聯入到波，都唔洗擔心我嘅狀態，當然前鋒嘅責任就係入波，之但係只要為球隊製造到入球，我都會好開心，我只希望日後可以保得住呢個咁fit狀態，繼續打多啲好波，同隊友繼續一齊合作。」
對朗尼嚟講，有入波當然開心，就算無入波而幫到球隊，佢都一樣咁開心!!!
佢入嘅第一球波，正正就係佢同雲佩斯嘅配合，對於朗尼表示：「嗰球波我哋表現得好有質素呀，你會知只要自己走入到小禁區位，就會有隊友傳到球靚波俾機會你頂入，結果真係做到，呢球絕對係一個好精彩嘅入球。呢場同時係我同雲佩斯一齊上場比賽而一齊都入到波嘅賽事，我肯定我哋只會越嚟越夾，表現越嚟越好，日後我相信到唔止前線表現好，就連後防都會有改善。另外亦好開心韋碧克都開齋，仲有小豆狀態都返緊嚟，到時費SIR揀前鋒人選就麻煩喇。」

最後佢補充多一句：「你唔講我都唔知我已經晌英超球會入咗第200球波，對於呢個紀錄，我覺得好開心。」
朗尼：多謝大家，我都唔知自己入咗200球喇!!!