最後一簽落實!!! 終於係期待已久嘅左閘…

曼聯專區 於 20/08/2012 發表 收藏文章
簽入咗尹佩斯之後,各位紅魔迷有開心又有擔憂,一來就係有尹佩斯呢位上屆神射手加盟,大家都好期待佢同朗尼會擦出咩火花,至於擔憂呢….就係曼聯用咗2400萬鎊簽佢返嚟,一直被傳好大問題嘅左閘位同防中個位,始終都係解因唔到…

費SIR唔知係唔係聽到各位球迷嘅心意喇,佢接受MUTV時表示:「我諗球隊會就另一個位置上簽多一個人,只要球隊有需要買人,班主都會俾錢我哋,當然我哋都只係對某些球員有興趣。」

聽完佢咁講,咁大家估都係左閘同防中,當中當然係拜恩斯又被傳得最勁喇…但呢一位「最後一簽」終於落實咗喇,佢係左閘,但就唔係拜恩斯,佢就係維迪斯嘅23歲後衛畢特拿 (Alexander Buttner),估計轉會費390萬鎊,將會同曼聯簽約5年…


呢位荷蘭年青球員接受訪問時講喇,「如果係一個禮拜之前同我講,我可以同尹佩斯同一隊嘅話,我一定會話你係發緊夢!!! 呢件事嘅發生,對我嚟講仲有啲未接受到,好似美夢成真咁,好開心成年事差唔多已落實,我好期待準備接受新挑戰。」據稱曼聯係擊敗修咸頓、昆士柏流浪而簽得呢位荷蘭球員。


畢特拿現正去緊曼市進行體測,只要完成同簽埋約,就會完成轉會。畢特拿晌6月嘅歐洲國家盃前熱身賽代表過國家隊,但佢只係入選到初步大軍名單,最終無未選入23人大軍名單當中。

依家就等大家睇下佢嘅表現喇…

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→