曼迷禁忌:縮寫只可以用Man Utd!

曼聯專區 於 14/06/2011 發表 收藏文章
新一輩的曼聯迷,包括筆者在內都唔係好知點解唔好叫曼聯做Man U,其實係點解呢??為此筆者上網尋找,綜合咗不同網頁的講法,發現這個字對曼聯而言係一個絕對侮辱性的字眼!曼聯迷絕對唔可以用,因為佢係侮辱緊曼聯一眾英靈,包括已故著名球員鄧肯·愛德華茲同一眾於慕尼黑空難中逝世的畢士比寶貝。

成件事始於曼聯的大宿敵列斯聯,大家可能會諗好似好耐無對戰過,又點會係宿敵?呢一個問題就一陣再同大家講…1958年曼聯非常強勢,打入歐聯決賽,大家都睇好佢地可以再下一城,然而卻碰上慕尼黑空難,一下子跌入谷底。而列斯聯的球迷卻落井下石,創作侮辱歌曲:「Man U, Man U went on a plane.」、 「 Man U, Man U never came back again」 同 「Man U Never Intended Coming Home」,而第三句歌詞的開頭字母加埋就係「MUnich」(慕尼黑)。再加上另一首侮辱愛德華茲的歌曲有man you(u)組成的句子(歌詞太侮辱…筆者決定不放上來了),令man u成為侮辱曼聯的一個字眼。所以一眾曼迷要注意,要尊敬一眾畢士比寶貝的英靈,絕不可以用這個字,要用Man Utd!打多兩個字,就是對愛隊的尊重!
佢就係愛德華茲,是慕尼黑空難中傷重過世的。呢件就係當年的波衫!是紀念慕尼黑空難50周年時曼聯申請著來對曼城的。

而曼聯同列斯聯的宿敵關係,老一輩的球迷應該早有耳聞,而呢一個宿敵竟然始於1400年代的內戰「玫瑰戰爭」,當時兩個敵對家族分別是蘭開斯特家族及約克家族,而它們的家徽則分別是紅玫瑰和白玫瑰。而剛好曼聯與列斯聯就是以紅色及白色為主色,地域亦接近,就好像是當年的戰爭再現一樣。而到了足球場上,兩隊的對賽就好似打交一樣,1965年的比賽甚至有列斯的傑克·查爾頓(卜比sir個細佬!)和曼聯的丹尼士·羅大打出手,而球迷亦不斷衝突。即使列斯聯其後因為財政及其他問題而降班,但雙方仍是非常敵視直到今日。有趣嘅係,其實有唔少紅魔的大將都係列斯過檔的,包括大帝簡東拿、艾倫史密夫,仲有現在曼聯舉足輕重的大阿哥里奧費迪南!
不過講故還講故,大家唔好唔記得禁忌之詞呀!記得,記得,記得,Man Utd,Man Utd,Man Utd!
蘭開斯特家族及約克家族家徽
仲係成日都打交ga曼聯同列斯!
簡東拿成魔前後有相有真相,里奧以前係列斯的大阿哥!

來源:網上流傳+wikipedia

如果喜歡我們的文章,請即分享到︰

標籤: MAN UTD!  

留言


請按此登錄後留言。未成為會員? 立即註冊
    快捷鍵:←
    快捷鍵:→