曼聯ABC,你又知唔知特別版!C for King:簡大帝簡東拿!

曼聯專區 於 27/11/2012 發表 收藏文章
「他是冠軍的催化劑,他是勝利的加速者。他是可以透視比賽的球員,佢嘅能力係我哋從來未有過嘅。佢真係非同凡響!」爵爺咁樣形容佢,佢係邊個?佢就係奧脫福嘅大帝,簡東拿(Eric Cantona)!
簡東拿加盟曼聯的日子,正正就係1992年11月26日,剛剛已經20年喇!嗰日佢就以一百二十萬的身價離開宿敵列斯聯,成為紅魔的一份子。未有簡大帝之前,曼聯已經26年無攞過英國頂級聯賽嘅冠軍,而佢加入之後唔單止極速融入球隊,仲令曼聯創下23戰只輸1場的佳積,拿下26年來第一個錦標。接下來嘅日子,佢都同冠軍有不解之緣,1992年去到1997年嘅5年之間,佢總共為曼聯奪得4次聯賽冠軍,1994年更加係雙冠王的功臣之一。而佢所攞嘅榮耀,包括1993年、1994年、1996年同1997年。
簡大帝十大入波!

咁1995年呢?呢一年都係簡大帝又出名又無面嘅一年,因為佢喺1995年1月用「功夫腳」襲擊水晶宮一位同佢有過節嘅球迷,被判坐2個星期監、罰錢之餘,最大件事係停賽8個月,無咗佢嘅曼聯雖然仍然強盛,不過始終差啲啲,最後以1分之微將冠軍兩手奉送俾布力般。
簡大帝功夫穿心腿!

簡東拿的足球生涯亦在最高鋒完結,喺1997年捧起英超的錦標之後一星期佢就宣佈掛靴,奧脫福大帝的名號亦從此名留青史,而佢嘅7號球衣亦成為曼聯的傳奇之一。
簡大帝經典廣告!

當然唔少得最出名的簡大帝慶祝姿勢!

如果喜歡我們的文章,請即分享到︰

標籤: 曼聯ABC  簡東拿  Cantona  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→