憑借後備上場蘭尼的大爆發、一入波一助攻，曼聯主場2-1擊敗雷丁晉級足總杯8強，距離三冠王的夢想又近了一步喇！下一輪的對手就要睇下車路士同米杜士堡邊個羅更醒啲！而賽後，爵爺就大讚功臣蘭尼：「佢真係好有天賦，我哋都知架！風水佬就呃你十年八年，我就唔會！換入佢時我就有預感佢會為我哋贏得比賽，睇下佢出場之後幾出色就知！一掂波就有兩次非常精彩的射門喇！為對手製造麻煩佢真係好叻！如果佢狀態繼續咁fit，我揀人就更加頭痛喇…」
對於鍾斯傷勢爵爺都有啲擔心：「我哋會評估佢嘅情況，好明顯係腳踝受傷，所以我認為周六的聯賽無佢份，希望知道咩事之後可以好好幫佢啦…不過我更擔心嘅係比賽最後10分鐘，以今晚嘅表現我哋應該要入多幾粒，咁就唔駛咁驚！重賽？唔好啦…既然我哋守得好攻得銳，應該要贏！盃賽可以抽中主場真係好好，因為在奧脫福我哋就有機會！
安達臣都讚蘭尼噃：「人人都知蘭尼有質素，雖然唔係成日有得出場，不過佢總係可以在關鍵時間幫到球會！佢幫我哋贏波，咁係最重要嘅！今場係硬仗，爵爺亦揀咗唔同嘅球員出陣，所以人人都將士用命！你問我，我會話場場波都係硬仗，因為隊隊都想贏我哋！不過我知只要我哋努力做好自己，咁就邊隊都唔怕！」
咁當然唔可以唔聽主角講咩啦：「足總杯好重要呀！紅魔人人都想贏足總杯，太耐無攞過了！所以我哋成隊都好專心比賽！對於我自己，傷患係影響我唔少，而啱啱返到球場都係好困難，不過無所謂嘅！努力可以改變一切！你話我今日點解會爆發？因為我努力囉！我會繼續努力幫球隊架喇！呢晚好開心，我會keep住架！」
今場波有喜有悲，悲嘅係折損了鍾斯呢一員大將；不過好事就係蘭尼態好，對於狀態麻麻的華倫西亞而言真係好好嘅補充！唔知之後會唔會用多啲蘭尼呢？
對於鍾斯傷勢爵爺都有啲擔心：「我哋會評估佢嘅情況，好明顯係腳踝受傷，所以我認為周六的聯賽無佢份，希望知道咩事之後可以好好幫佢啦…不過我更擔心嘅係比賽最後10分鐘，以今晚嘅表現我哋應該要入多幾粒，咁就唔駛咁驚！重賽？唔好啦…既然我哋守得好攻得銳，應該要贏！盃賽可以抽中主場真係好好，因為在奧脫福我哋就有機會！
安達臣都讚蘭尼噃：「人人都知蘭尼有質素，雖然唔係成日有得出場，不過佢總係可以在關鍵時間幫到球會！佢幫我哋贏波，咁係最重要嘅！今場係硬仗，爵爺亦揀咗唔同嘅球員出陣，所以人人都將士用命！你問我，我會話場場波都係硬仗，因為隊隊都想贏我哋！不過我知只要我哋努力做好自己，咁就邊隊都唔怕！」
咁當然唔可以唔聽主角講咩啦：「足總杯好重要呀！紅魔人人都想贏足總杯，太耐無攞過了！所以我哋成隊都好專心比賽！對於我自己，傷患係影響我唔少，而啱啱返到球場都係好困難，不過無所謂嘅！努力可以改變一切！你話我今日點解會爆發？因為我努力囉！我會繼續努力幫球隊架喇！呢晚好開心，我會keep住架！」
今場波有喜有悲，悲嘅係折損了鍾斯呢一員大將；不過好事就係蘭尼態好，對於狀態麻麻的華倫西亞而言真係好好嘅補充！唔知之後會唔會用多啲蘭尼呢？
請按此登錄後留言。未成為會員? 立即註冊