曼聯 對 水晶宮 賽後語:莫耶斯話朗尼似相撲手 插水風氣不可長

曼聯專區 於 15/09/2013 發表 收藏文章
對水晶宮一役,曼聯的表現只可以講係不過不失,朗尼、雲佩斯都未係最好狀態。不過呢場波有費蘭尼處子上陣,佢嘅頭鎚優勢已經表露無遺。唔知佢哋點睇呢場小勝嘅比賽呢?

莫耶斯話:「我好高興,我認為今日嘅的比賽表現好好,早在上半場早已經製造咗造好多傳中,創造唔少埋門機會,但我哋把握唔到。坦白講,打打下球員們已經好心急,所以可以在上半場臨完場時得到十二碼,我真係好開心。

如果你細心睇,楊格嗰一下被侵犯,對手的確伸咗腳出嚟,不過最後似乎係楊格自己主動將腳撞埋去嘅。我唔鍾意最後一個防守球員犯規就要俾紅牌的規則,太殘酷喇。如果我是荷路維(水晶宮領隊),我都會好失望。無可置疑,對手伸腳攔阻到楊格進攻,有判十二碼的理據。不過我唔認為對手的犯規足以趕出場。雖然好不幸,規則係咁寫。不過點都好,我一直都話我唔喜歡球員插水。楊格在搏得十二碼前得到嘅黃牌非常正確,佢應該要被黃牌警告。我唔希望我的球員插水,亦唔希望任何人咁做。我會明確同楊格講,唔好再插水;要插,唔該插花。

朗尼呢場比賽出人意表,由正選上陣到打足全場,都令人好鼓舞。莫耶斯就話:「俾朗尼正選係好艱難的決定,但在訓練場上人人都見到朗尼帶著頭套嘗試去頂頭鎚,佢感覺良好,所以我們哋認為佢應該要上場。好好笑,望住佢我諗起相撲手,不過我諗無邊個相撲手可以攻得入佢嗰球咁靚嘅自由球。下半場,我感覺朗尼攰攰哋,不過我同朗尼講,我會俾佢踢足全場,因為佢缺少比賽練習,踢足全場可以盡快搵返球感、同加強身體狀態。

對於後備出場的贊奴沙,莫耶斯都幾滿意:「我開始就諗住俾佢出場。佢出場後的表現證明佢好值得。他睇起嚟一啲都唔怯場,表現得好好,尤其分波做得好好。他將會成為一名好球員,我知道。」

不過,贊奴沙出場打左手面,點解有個好好嘅左腳仔香川真司唔用?唔通真係「莫耶斯都唔鍾意佢?」大家放心,莫帥之後講返香川之所以連後備都無,係因為佢最近不斷在曼市與日本之間奔波,出現咗流感症狀、個人好疲累。比賽前一日香川其實有參與訓練,但感覺唔好、打唔出水準之餘身體狀況亦唔係最好。最後曼聯的團隊希望佢在酒店訓一晚,如果情況改善就會俾佢出場,不過好遺憾情況更差。在莫帥的小心為上大原則之下,認為無必要冒險,最後只好要佢返屋企抖下。

除咗佢,紅魔處子戰的費蘭尼亦好多謝球迷:「第一次在奧脫福以紅魔的身份出軍,有咁多球迷支持我。我既緊張又興奮,想打出自己水平、想發揮自己實力。每次我都會盡全力為球會同隊友做貢獻,即使我轉咗會都係一樣。呢場係唔錯嘅勝仗,我亦知道曼聯希望贏得每一場比賽,今日贏咗,有助加強下一場的信心,大家都知下幾場都係大戰,先有歐聯的挑戰,仲有曼城的比賽,信心真係好重要。仲想講多句,我同鄉贊奴沙都打得好好,人人都知道佢有實力,係曼聯的未來。佢要努力加油!一定可以為球會貢獻好多!」

如果喜歡我們的文章,請即分享到︰

標籤: 曼聯  水晶宮  

留言


請按此登錄後留言。未成為會員? 立即註冊
  • clcc99 於 16/09/2013 評論 NO. 1

    一年踢死十一個... 你究竟懂唔懂足球?

快捷鍵:←
快捷鍵:→