曼聯 對 利物浦 賽前預告——「雙紅會」真係已變成「酒吧大戰」無睇頭？ 精選

周日「雙紅會」大戰，由曼聯主場對利物浦，賽前名宿加利尼維利形容呢場波已經變為「酒吧大戰」，暗示今年兩隊波都表現令人失望，排名上亦唔係傳統爭標大戰，暗批這場傳統對決已經淪為街頭足球般的水平，唔通呢場波就咁就無睇頭？

首先先睇前線，利記季無咗阿蘇之後，前線實力明顯下降，加上史杜列治長期受傷，今夏加入嘅巴洛迪利同域奇林拔都未能擔重任，令入球成為紅軍今季其中一個問題，至於曼聯方面，其實前鋒線表現季初都唔見突出，不過近排雲內斯同朗尼總算腳氣較順，重拾狀態，後備席上亦有法卡奧，感覺上前線比併下，紅魔比紅軍完整少少。

至於後防方面，曼聯晌對阿仙奴同修咸頓賽事都用３後衛陣式，結果表現一啲都唔突出，如無運氣同迪基亞，相信都好難贏波，加上今季用３後衛嘅比賽表現都唔好，如果今戰仍係呢個戰術，又好睇迪基亞表演喇…至於紅軍方面，米洛列特俾人信心不大，仲有傳佢今戰失去正選，而後防表現亦未能給予人信心，兩隊後防上亦有各自的問題所在。

最後中場方面，曼聯有迪馬利亞受傷，不過馬達上陣，可替補曼聯中場創造性，加上有卡域克復出後，中場防守上更有信心，令馬達、費蘭尼更放心晌前，如靴里拉正選上陣，中場線更為完整。至於紅軍方面，焦點落晌謝拉特手上，佢上陣令紅軍中場表現更好，但畢竟年事已高，佢近3場聯賽有兩場都係任後備，而且晌周中歐聯又打足90分鐘，羅渣士早前講過一周兩戰對隊長嚟講有啲吃力，唔知晌呢場大戰下，紅軍又會唔會收埋謝拉特，俾佢休息?

最後睇兩隊近期狀態，曼聯聯賽5連勝，比利物浦為好，利物浦剛晌歐聯出局，近期表現亦未能給予人信心，外界認為利物浦好需要一場勝仗，鼓舞士氣，因此利記今戰目標肯定不是和波。

預計陣容：
(1) 網易
曼聯：
門將：迪基亞
後衛：伊雲斯、卡域克、盧祖
中場：華倫西亞、馬達、靴里拉、費蘭尼、艾殊利楊格
前鋒：朗尼、雲佩斯

利物浦：
門將：米洛列特
後衛：格連莊臣、史卡迪爾、洛夫雲、摩蘭奴
中場；盧卡斯、佐敦軒達臣、古天奴、謝拉特、史達寧前鋒：域奇林拔

(2) thepeoplesperson.com

(3) www.theguardian.com

傷停
曼聯：
受傷：迪馬利亞、梳爾、白蘭特、拉菲爾、菲爾鐘斯、連加特
停賽：無

利物浦
受傷：史杜列治、法拿根、高路托尼、巴洛迪利
停賽：無

交戰紀錄

兩隊共190次交鋒，曼聯75勝51和64負，雖然曼聯近12次在主場迎戰利物浦，取得10勝2負的成績，但上賽季曼聯主客兩場都被利物浦雙殺。