昨晚的比賽只睇比數好似曼聯佔優，不過其實過程幾經艱辛，爵爺、維迪都不約而同話贏得驚險！
爵爺的評語係：「如果你睇我喺曼聯嘅生涯，就知道每個賽季總有幾場波贏得『負負碌碌』，呢場波就係其中一場。我認為修咸頓嘅表現係今季咁多隊嚟奧脫福嘅隊伍入面打得最好嘅，佢哋根本唔俾機會我哋攞穩個節奏。所以今次真係好幸運可以贏到。」
而維迪都有同樣嘅睇法：「點都好，我哋對個賽果好開心，因為其他主要對手都和波，我哋依家好有優勢。不過我都要警告一眾隊友，球季仲有流流長，7分領先唔係咩穩陣的分數。尤其今日的比賽，我哋要苦戰到最後先可以確保勝果，對方不斷攻擊，而我哋根本搶唔到控球權。有時咁樣贏波係好重要嘅，不過我真係唔滿意下半場嘅表現。所以依家應該要好好專注下場對富咸的比賽，每一場贏波都好重要，無嘢係必然嘅！」
今仗比賽的失波卡域克真係要負責，佢嘅回傳好危險，令迪基亞唔知出唔出迎好引致失波。不過爵爺就撐愛將噃：「佢嘅回傳真係太柔，知道自己出錯佢已經立即舉手對唔住，呢個畫面好好。佢充分表現一個誠實球員應該做嘅事：『教練對唔住；隊友，對唔住！』呢個態度無得頂。」睇返今仗，曼聯攻門11次5次中龍，對手竟然有20個攻門、57%的控球率，可見今仗真係苦戰勝出。如果無朗尼梅開二度反勝，唔知爵爺仲會唔會讚卡域克呢？好彩有我咋！(鍾斯留鬍鬚都幾好睇噃！雖然其實係...安達臣啲頭髮！XD)
爵爺的評語係：「如果你睇我喺曼聯嘅生涯，就知道每個賽季總有幾場波贏得『負負碌碌』，呢場波就係其中一場。我認為修咸頓嘅表現係今季咁多隊嚟奧脫福嘅隊伍入面打得最好嘅，佢哋根本唔俾機會我哋攞穩個節奏。所以今次真係好幸運可以贏到。」
而維迪都有同樣嘅睇法：「點都好，我哋對個賽果好開心，因為其他主要對手都和波，我哋依家好有優勢。不過我都要警告一眾隊友，球季仲有流流長，7分領先唔係咩穩陣的分數。尤其今日的比賽，我哋要苦戰到最後先可以確保勝果，對方不斷攻擊，而我哋根本搶唔到控球權。有時咁樣贏波係好重要嘅，不過我真係唔滿意下半場嘅表現。所以依家應該要好好專注下場對富咸的比賽，每一場贏波都好重要，無嘢係必然嘅！」
今仗比賽的失波卡域克真係要負責，佢嘅回傳好危險，令迪基亞唔知出唔出迎好引致失波。不過爵爺就撐愛將噃：「佢嘅回傳真係太柔，知道自己出錯佢已經立即舉手對唔住，呢個畫面好好。佢充分表現一個誠實球員應該做嘅事：『教練對唔住；隊友，對唔住！』呢個態度無得頂。」睇返今仗，曼聯攻門11次5次中龍，對手竟然有20個攻門、57%的控球率，可見今仗真係苦戰勝出。如果無朗尼梅開二度反勝，唔知爵爺仲會唔會讚卡域克呢？好彩有我咋！(鍾斯留鬍鬚都幾好睇噃！雖然其實係...安達臣啲頭髮！XD)
請按此登錄後留言。未成為會員? 立即註冊