呢幾日傳得好熱烈嘅，係摩連奴對於打極都未有出色表現嘅米希達利恩已經無哂耐性，有可能呢一個月放佢走。而取而代之嘅，唔係奧斯爾就係山齊士。而《天空體育》就收到風，曼聯已經準備好用米仔換山齊士，相關人士甚至已經傾過下。
而曼聯最大嘅對手，一定係同城嘅曼城。傳聞中佢哋已經準備好成套配套，包括3000萬鎊簽約費畀山齊士袋袋平安，仲有1300萬鎊年薪！唯一危機，就係曼城希望夏天先進行呢單交易，一來唔想畀轉會費益阿仙奴；其次就係平少少之餘又唔會在季中影響球隊的隊型，始終今季曼城已經無懈可擊，無必要加入變數。牌面嚟講曼城無得輸，成績又好人工又高；但係一月同曼聯「換將」對阿仙奴而言可以「蝕少啲」，最少比山神自由身離隊好少少，如果sky消息屬實，難保教授會加啲力推動呢個方案。
只係，山齊士又係唔係曼聯需要嘅球員呢？一直以來擅打左路攻擊球員嘅山齊士，曼聯同一位置上已經有馬迪爾同拉舒福特；就算移入中路，都仲有盧卡古、伊巴2大球星爭位。筆者就唔睇好，但係菲臘仔就好想「山神成魔」：「咁多年曼聯都有好多重要收購，好似簡單拿、或者雲佩斯的驚喜加盟。佢哋都為曼聯贏到聯賽冠軍。我認為山齊士可以做到同樣效果，佢有加入奧脫福需要嘅個人特質。而且可以擊敗曼城得到山神加盟，絕對係一個重要嘅挑戰宣告。好明顯阿仙奴留佢唔住，我估曼聯可以用2500萬鎊完成收購。」
你又想唔想山神來投呢？
而曼聯最大嘅對手，一定係同城嘅曼城。傳聞中佢哋已經準備好成套配套，包括3000萬鎊簽約費畀山齊士袋袋平安，仲有1300萬鎊年薪！唯一危機，就係曼城希望夏天先進行呢單交易，一來唔想畀轉會費益阿仙奴；其次就係平少少之餘又唔會在季中影響球隊的隊型，始終今季曼城已經無懈可擊，無必要加入變數。牌面嚟講曼城無得輸，成績又好人工又高；但係一月同曼聯「換將」對阿仙奴而言可以「蝕少啲」，最少比山神自由身離隊好少少，如果sky消息屬實，難保教授會加啲力推動呢個方案。
只係，山齊士又係唔係曼聯需要嘅球員呢？一直以來擅打左路攻擊球員嘅山齊士，曼聯同一位置上已經有馬迪爾同拉舒福特；就算移入中路，都仲有盧卡古、伊巴2大球星爭位。筆者就唔睇好，但係菲臘仔就好想「山神成魔」：「咁多年曼聯都有好多重要收購，好似簡單拿、或者雲佩斯的驚喜加盟。佢哋都為曼聯贏到聯賽冠軍。我認為山齊士可以做到同樣效果，佢有加入奧脫福需要嘅個人特質。而且可以擊敗曼城得到山神加盟，絕對係一個重要嘅挑戰宣告。好明顯阿仙奴留佢唔住，我估曼聯可以用2500萬鎊完成收購。」
你又想唔想山神來投呢？
請按此登錄後留言。未成為會員? 立即註冊