曼聯已決定5月13日舉行勝利遊行！ 精選

曼聯官方宣布5月13日將在曼徹斯特舉行奪冠慶祝遊行，屆時身在曼市的球迷就可以一睹英超冠軍獎杯的風采！(筆者無後悔早咗去曼市嘅，不過…如果可以去多次就好喇！XD)

不過冠軍就唔止一個嘅，5月11日曼城在足總杯決賽中對陣韋根，如果可以取勝捧杯都會係一件大事！可幸嘅係，雙方嘅慶祝活動應該唔會有衝突嘅。本周曼聯主場3-0擊敗維拉之後奪取了歷史上的第13座英超獎杯，雲佩斯、迪基亞和鐘斯等人都是第一次品嘗英超冠軍滋味架。再加上，上年因得失球差不敵曼城痛失冠軍，今季非常清脆利落咁奪回獎杯，仲唔開開心心慶祝咩！而曼聯官方已經宣布於5月12日周日同史雲斯最後一場比賽結束之後，在奧脫福展出英超獎杯，更會於5月13日舉行盛大嘅奪冠慶祝游行，一如以往，紅魔一眾將士將會舒舒服服坐住開篷巴士，繞曼市展示聯賽第20冠！遊行會於傍晚開始，從奧脫福出發，終點係曼市市中心。

不過曼聯會展出英超獎杯，好嘈嘅鄰居曼城亦有可能舉行奪冠遊行，不過大家都明白，即使贏出比賽、攞埋3年內第2個足總盃，份量始終都唔夠聯賽冠軍咁大嘅。曼市發言人就為此降降火，話會確保曼城球迷充分享受到奪冠嘅喜悅，會好好咁安排遊行日期唔好撞期咁話。

而大衛基爾雖然好快就退下火線、唔再做CEO，不過都明白曼城一定會捲土重來：「我肯定佢哋一定會再次威脅我哋嘅霸業，見得到佢哋嘅投資同青訓項目都好俾心機，顯示出好強嘅抱負。不過放心啦，曼聯一樣會加強兵力，好好咁同一眾英超群雄再決勝負！」
放馬過來啦！我哋唔怕嘅！