35歲，仍然在頂級的曼聯中作戰；有佢上陣的比賽，曼聯15場波贏足13場，只打和2次。你認為你知我講緊邊個？聽埋呢句你先真係知：今個球季一開始佢無機會上陣，要第6場聯場佢先第一次露面，仲要係後備上陣。要去到第13場波，佢先真真正正有正選打。不過佢一打正選，就不得了。無佢在陣？15場比賽只係贏得6場。
佢幾有影響力，里奧費迪南都有講過：「我訪問過普巴，普巴話呢個球員係解放佢嘅人。普巴回歸曼聯的開始唔算得上好表現，不過佢已經越來越有信心，而令佢表現好咗當然有好多原因，其中一個係摩連奴搵到一個最好陣容啦，亦搵到普巴最擅長的位置。但係呢位球員再度得到正選位置，亦令普巴大解放。佢嘅傳送快狠準，可以喺對手作出反應之前，就將皮球交到普巴可以發揮最大破壊力嘅地點。」佢場場波都有平均90%的傳球成功率，絕對係球隊嘅無名英雄。佢係邊個？大家都應該估到喇，因為上年有佢，曼聯成績就變好，佢傷癒復出打正選，曼聯14場比賽就只輸一場。轉守為攻、控制節奏，幾年來曼聯的隱形功臣，除咗卡域克仲有邊個。係，你無睇錯，佢同伊巴係同年！伊巴謙3日連戰2場90分鐘係驚人的話，卡域克呢個年紀仲可以係曼聯嘅核心，都係非常驚人。
不過亦係因為呢個年紀，令卡域克可以再發光發亮嘅時間變得越來壞少。咁就產生咗2個問題：第一，真係掛靴之後佢會去邊呢？第二，就係中場入面除咗佢之外，有邊個可以控制攻守節奏，保持勝率呢？
第一個問題易答啲，因為卡域克已經考獲歐洲足協嘅「A牌」教練牌，可以以教練身份繼續其足球生涯。而佢拎到呢個牌，好大原因係因為曼聯U14呢隊球隊，因為卡域克當實習咁教U14，一方面令佢更快考到牌，另一方面令佢對於曼聯青訓好熟悉，有咩新星喺隊中佢好清楚。唔單止佢，就連預備組好多青年軍球員有問題都會求教卡域克，令佢成為隊中嘅「好爸爸」，睇嚟球會有意羅致佢做教練甚至係領軍青年軍，佢都會答應。不過第二個問題就真係難搞啲，強如小豬摩連奴都認為唔夠放喺隊中，再加上卡域克自己其實都坐過冷板凳，季初無咩機會。即係換句話講，摩連奴一定係希望有一位更為年輕的中場指揮官，所以先唔畀機會一眾「老中場」。只係依家卡域克對隊中影響力實在太大，佢不得不重用呢位中場，一旦佢唔繼約又好、掛靴又好，要搵返一位咁強嘅傳送型球員真係一啲都唔易。加利仔就點出咗4個球員有機會可以發揮卡域克一樣嘅影響力，分別就係沙比阿朗素(35)、布斯基斯(28)、莫迪歷(31)同埋卻奧斯(27)。就咁睇，莫迪歷同沙比阿朗素都太大年紀喇！咁布斯基斯同卻奧斯呢？聽聞呢…因為卻奧斯新年時諷刺巴西7:1輸畀德國，激到馬些路嬲嬲豬隔空回應噃…
佢幾有影響力，里奧費迪南都有講過：「我訪問過普巴，普巴話呢個球員係解放佢嘅人。普巴回歸曼聯的開始唔算得上好表現，不過佢已經越來越有信心，而令佢表現好咗當然有好多原因，其中一個係摩連奴搵到一個最好陣容啦，亦搵到普巴最擅長的位置。但係呢位球員再度得到正選位置，亦令普巴大解放。佢嘅傳送快狠準，可以喺對手作出反應之前，就將皮球交到普巴可以發揮最大破壊力嘅地點。」佢場場波都有平均90%的傳球成功率，絕對係球隊嘅無名英雄。佢係邊個？大家都應該估到喇，因為上年有佢，曼聯成績就變好，佢傷癒復出打正選，曼聯14場比賽就只輸一場。轉守為攻、控制節奏，幾年來曼聯的隱形功臣，除咗卡域克仲有邊個。係，你無睇錯，佢同伊巴係同年！伊巴謙3日連戰2場90分鐘係驚人的話，卡域克呢個年紀仲可以係曼聯嘅核心，都係非常驚人。
不過亦係因為呢個年紀，令卡域克可以再發光發亮嘅時間變得越來壞少。咁就產生咗2個問題：第一，真係掛靴之後佢會去邊呢？第二，就係中場入面除咗佢之外，有邊個可以控制攻守節奏，保持勝率呢？
第一個問題易答啲，因為卡域克已經考獲歐洲足協嘅「A牌」教練牌，可以以教練身份繼續其足球生涯。而佢拎到呢個牌，好大原因係因為曼聯U14呢隊球隊，因為卡域克當實習咁教U14，一方面令佢更快考到牌，另一方面令佢對於曼聯青訓好熟悉，有咩新星喺隊中佢好清楚。唔單止佢，就連預備組好多青年軍球員有問題都會求教卡域克，令佢成為隊中嘅「好爸爸」，睇嚟球會有意羅致佢做教練甚至係領軍青年軍，佢都會答應。不過第二個問題就真係難搞啲，強如小豬摩連奴都認為唔夠放喺隊中，再加上卡域克自己其實都坐過冷板凳，季初無咩機會。即係換句話講，摩連奴一定係希望有一位更為年輕的中場指揮官，所以先唔畀機會一眾「老中場」。只係依家卡域克對隊中影響力實在太大，佢不得不重用呢位中場，一旦佢唔繼約又好、掛靴又好，要搵返一位咁強嘅傳送型球員真係一啲都唔易。加利仔就點出咗4個球員有機會可以發揮卡域克一樣嘅影響力，分別就係沙比阿朗素(35)、布斯基斯(28)、莫迪歷(31)同埋卻奧斯(27)。就咁睇，莫迪歷同沙比阿朗素都太大年紀喇！咁布斯基斯同卻奧斯呢？聽聞呢…因為卻奧斯新年時諷刺巴西7:1輸畀德國，激到馬些路嬲嬲豬隔空回應噃…
請按此登錄後留言。未成為會員? 立即註冊