曼聯專區小評:莫耶斯需要一個大牌收購

曼聯專區 於 23/07/2013 發表 收藏文章
不分先後,今年莫耶斯的購物單入面有:c朗、巴爾、拜恩斯、艾簡達拿、法比加斯。不分先後,今年曼城已收購名單有:費爾南迪尼奧、拿維斯、祖維迪、尼格度。我哋,一個收購都做唔到;曼城,每一個收購都有板有眼、對球會的成長有好大功效。你可能會覺得莫耶斯擺大咗個頭,好似好不切實際。

就算最近似簽到嘅,西維爾嘅干杜治比亞,即使唔係最大牌,不過都有潛力、有空間發揮,不過到今日都係得個講字。究竟曼聯點解咁難買人?最大原因,可能係英超根本就無英格蘭球隊心目中咁大吸引力,就以艾簡達拿為例,佢寧願去拜仁都唔去曼聯;又好似尼馬、法卡奧、卡雲尼等等,好似都完全無諗過要轉戰英超。既然一眾超新星都唔願意去英國,莫耶斯的選擇就更加少。
不過好矛盾地,莫耶斯偏偏需要一個大牌收購去證明一件事:如果有位超新星肯去曼聯,就證明呢位名氣不大、但有潛質的領隊有其個人魅力,可以吸引好球員。而呢位「超新星」,對莫耶斯在曼聯企穩陣腳、對新世代曼聯在國際足球企穩陣腳都有極大的重要性。換句話講,呢位新球員將會與莫耶斯一同成長;一同成為新曼聯的標誌。咁就解釋到莫耶斯不惜一切都要買到法比加斯的原因,因為佢就係莫耶斯的曼聯藍圖中第一個重要資產。而莫耶斯自己,比所有的曼迷都要心急,所以大家耐心啲等啦!就算買唔到法比仔,佢都一定會帶一位class十足的球員嚟奧脫福嘅!

如果喜歡我們的文章,請即分享到︰

標籤: 曼聯專區小評  莫耶斯  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→