曼聯專區小評:英球隊歐聯滑鐵盧=歐聯席位減?

曼聯專區 於 19/03/2015 發表 收藏文章
早前有新聞講到,夏薩特為咗英格蘭足球的未來著想,佢好想阿仙奴可以在歐聯晉級,就連摩納哥隊中好朋友恩歷克卡拉斯高都無面俾。而原因正正就係因為歐聯出線對於所謂「歐洲足總排名系數」有影響,而呢個系數又對往後的歐聯有影響,不過又點解呢?拿,筆者呢到提提大家,要俾啲啲耐心先睇得哂架!

開始喇,準備喇大家!所謂「歐洲足總排名系數」,先係由不同國家入面選出幾隊代表球隊,然後就以佢哋喺歐戰的成績俾個分,用嚟決定歐聯同歐霸席位嘅數目。以英格蘭為例就係有7隊,分別係車仔、曼城、愛華頓、利物浦、熱刺同侯城。只要佢哋出戰歐戰,就會有相應的得分,歐戰贏波就會有2分,和就有1分;而且進入16強的比賽之後更會有額外分數,加加埋埋咁多隊除返7,就係每年嘅「系數」喇。依家嘅英格蘭就有13.5分,比西班牙(15.8)、德國(14.4)、意大利(15)都少,排第4。而最最大鑊嘅,係只有頭3名嘅國家會得到4個歐聯席位,好似意大利、葡萄牙同法國家下就只有3個歐聯席位,因為佢哋喺「歐洲足總排名系數」排第4,5,6。

今年英超隊歐戰已經覆沒大半,車仔、阿仙奴、曼城、利物浦、熱刺全線退場,得返愛華頓打歐霸,係唔係好驚先?咁大家又唔駛太擔心住,呢個「歐洲足總排名系數」唔係一年就定生死,係計5年嘅。計落英超呢架「2015爛船」都仲有3分釘,5年以來都仲有80.391分,上面有95.57分嘅西班牙,下面有77.986嘅德國,即係仲有啲分可以蝕下,俾德國過咗頭都好,都仲要睇第4嘅意大利爭唔爭氣。就算爭氣,都要幾年先可以追過英格蘭嘅…

拿,唔好無哂危機感呀,計分嚟講,呢幾年來英格蘭都唔算太好,由10/11球季的18.357 分,跌到11/12年嘅15.250;12/13年又上返啲有16.428,上年都有16.785,今季未完,不過13.5都真係新低。下年有必要好好努力!有一段時間英格蘭都真係威架,07/08球季8強有4隊都係英超隊,4強有3隊,最後曼聯仲贏埋冠軍!08/09球季嘅4強有3隊英超隊,曼聯最後飲恨亞軍,不過單係呢啲數字都夠幾年駛,唔怕俾人減席位。不過近幾年就連打入8強嘅隊伍都唔多,嚟嚟去去都得車仔、曼聯,分數少真係唔奇。

所以話,曼聯的中衰其實影響都唔細,甚至影響其他隊伍的歐戰機會...只係依家嘅曼聯就算打入歐聯,隨時係影響「歐洲足總排名系數」更低...咁,應該想佢入到定入唔到好呢?


呢個波波圖案...很想要哩

留言


請按此登錄後留言。未成為會員? 立即註冊
  • leglessbird 於 20/03/2015 評論 NO. 1

    樓上 你報錯料呀

  • Ivan lamm 於 20/03/2015 評論 NO. 2

    fffddrrrffrgfyi

  • Ivan lamm 於 20/03/2015 評論 NO. 3

    fffddrrrffrgfyi

  • Ivan lamm 於 20/03/2015 評論 NO. 4

    fffddrrrffrgfyi

  • Ivan lamm 於 20/03/2015 評論 NO. 5

    fffddrrrffrgfyi

  • Ivan lamm 於 20/03/2015 評論 NO. 6

    fuck

  • 洪雄熊 於 20/03/2015 評論 NO. 7

    想請教一下:

    「以英格蘭為例就有7隊,分別係車仔、曼城、愛華頓、利物浦、熱刺同侯城」

    點解數來數去得六隊?另外一隊係曼聯?但阿仙奴竟然冇份?同埋點解會有候城?

快捷鍵:←
快捷鍵:→