昨晚的比賽，大家終於見到舊曼聯的流水式攻勢，每一腳波都比以前爽快，每一個斬波都唔係亂斬，每一個入楔都有足球智慧，老實講，真係2014年來睇得最開心嘅比賽之一。細睇，呢場波一定係繼奧林比亞高斯之後，另一場莫帥可以偷師的「textbook style」比賽。
咩都唔駛講，呢場比賽最難忘的當然係朗尼45碼開外的霸王式笠射，比賽完咗之後，佢就喺官方facebook講：「講到呢個入波，我攞波之後一轉身，見到龍門行前咗，於是就憑本能起腳。我好開心真係入咗！星期二對曼城要繼續打得好！」而當地傳媒當然亦不失幽默，佢入波之後立即影住嚟睇波嘅大師兄碧咸掩咀微笑。無他，佢1996年球季對溫布頓的比賽，喺差唔多位置攻入過一球經典入波，當然要影下佢啦！被問到邊球靚啲，朗尼仲要得得戚話自己呢球靚啲！不過點都好，今仗朗尼的狀態對球隊而言一定係好事，因為舊時嘅朗尼返嚟喇！
http://www.youtube.com/watch?v=Y-EDpyJ7688咸爺http://www.youtube.com/watch?v=-eRRUS7qst0
而另一個莫帥必須睇到嘅係，今仗前線嘅戰術面貌，尤其係馬達同香川真司的配合。今仗朗尼打正前鋒，馬達打攻擊中場，香川打左、楊格打右。不過呢個陣式同以前好唔同，香川、楊格少有斬波，而係打自由人入楔。而呢個唔斬波、打地面戰嘅方式，令曼聯的雙核表現出極大的威脅，單單係上半場已經有三個致命機會係馬達同香川合作而造就的，如果唔係香川雪到硬哂，佢隨時已經梅開二度。馬達同香川的「頻譜」、「波長」非常配合，一方面反映莫帥有幾盲(二人同場只係第一次咋！)，另一方面反映曼聯的攻擊組合其實絕不弱於紅軍、藍戰士同曼城，只係識得用，一定用馬達搭香川！最後要一讚楊格成場波多次帶波果敢殺入禁區，比起浪費機會盲斬好太多了。而佢今仗的「禾確特式」打法，亦搏得唔少英媒的讚賞。
另一個戰術要點，就係卡華利一定要雪，費蘭尼、費查同卡域克的配合實在洽到好處。費查同卡域克嘅機動性唔強，不過交波準繩度高、hold波、節奏都處理得好；相反費蘭尼就機動性強，滿場飛可以做好多駁腳功夫，亦有一定的突破能力，佢爆過兩個鎚仔後衛、差啲攻到門的一刻大家應該都有印象。當然今仗卡域克客串後衛無得好講，不過經過今場之後，看得出中場的位置一定要放費蘭尼做發電機，配上費查或卡域克作防守，中場的活力、搶截先有保證。
總結，筆者同好多曼迷一樣，都有一種感覺：呢場波唔係莫耶斯領軍嘅！無論排陣、球隊的節奏、戰術，都好有爵爺的影子。尤其係中場的機動性、信心同變化莫測嘅傳波模式，全部都係莫帥上任之後無見過嘅。早前有媒體指傑斯表示莫帥唔聽人講，所以筆者只有兩個推測：一係就係爵爺親自郁手，面授機宜；一係就係莫帥終於都知道自己一套唔得，開始聽助教的意見，而今仗的攻擊性精神面貌，其實係上仗功臣傑斯嘅主意！跟咗爵爺廿幾年，傑斯嘅戰法有爵爺影子，都係好正常啫？
咩都唔駛講，呢場比賽最難忘的當然係朗尼45碼開外的霸王式笠射，比賽完咗之後，佢就喺官方facebook講：「講到呢個入波，我攞波之後一轉身，見到龍門行前咗，於是就憑本能起腳。我好開心真係入咗！星期二對曼城要繼續打得好！」而當地傳媒當然亦不失幽默，佢入波之後立即影住嚟睇波嘅大師兄碧咸掩咀微笑。無他，佢1996年球季對溫布頓的比賽，喺差唔多位置攻入過一球經典入波，當然要影下佢啦！被問到邊球靚啲，朗尼仲要得得戚話自己呢球靚啲！不過點都好，今仗朗尼的狀態對球隊而言一定係好事，因為舊時嘅朗尼返嚟喇！
http://www.youtube.com/watch?v=Y-EDpyJ7688咸爺http://www.youtube.com/watch?v=-eRRUS7qst0
而另一個莫帥必須睇到嘅係，今仗前線嘅戰術面貌，尤其係馬達同香川真司的配合。今仗朗尼打正前鋒，馬達打攻擊中場，香川打左、楊格打右。不過呢個陣式同以前好唔同，香川、楊格少有斬波，而係打自由人入楔。而呢個唔斬波、打地面戰嘅方式，令曼聯的雙核表現出極大的威脅，單單係上半場已經有三個致命機會係馬達同香川合作而造就的，如果唔係香川雪到硬哂，佢隨時已經梅開二度。馬達同香川的「頻譜」、「波長」非常配合，一方面反映莫帥有幾盲(二人同場只係第一次咋！)，另一方面反映曼聯的攻擊組合其實絕不弱於紅軍、藍戰士同曼城，只係識得用，一定用馬達搭香川！最後要一讚楊格成場波多次帶波果敢殺入禁區，比起浪費機會盲斬好太多了。而佢今仗的「禾確特式」打法，亦搏得唔少英媒的讚賞。
另一個戰術要點，就係卡華利一定要雪，費蘭尼、費查同卡域克的配合實在洽到好處。費查同卡域克嘅機動性唔強，不過交波準繩度高、hold波、節奏都處理得好；相反費蘭尼就機動性強，滿場飛可以做好多駁腳功夫，亦有一定的突破能力，佢爆過兩個鎚仔後衛、差啲攻到門的一刻大家應該都有印象。當然今仗卡域克客串後衛無得好講，不過經過今場之後，看得出中場的位置一定要放費蘭尼做發電機，配上費查或卡域克作防守，中場的活力、搶截先有保證。
總結，筆者同好多曼迷一樣，都有一種感覺：呢場波唔係莫耶斯領軍嘅！無論排陣、球隊的節奏、戰術，都好有爵爺的影子。尤其係中場的機動性、信心同變化莫測嘅傳波模式，全部都係莫帥上任之後無見過嘅。早前有媒體指傑斯表示莫帥唔聽人講，所以筆者只有兩個推測：一係就係爵爺親自郁手，面授機宜；一係就係莫帥終於都知道自己一套唔得，開始聽助教的意見，而今仗的攻擊性精神面貌，其實係上仗功臣傑斯嘅主意！跟咗爵爺廿幾年，傑斯嘅戰法有爵爺影子，都係好正常啫？
請按此登錄後留言。未成為會員? 立即註冊