正所謂蛇無頭不行，一隊出色球隊既要有領隊指引方向，更要有一位重心人物領頭爭戰沙場。君不見當年的堅尼一聲斷喝足以懾敵警友？里奧費迪南亦能在後場穩定軍心？稍遜一籌，卡域克反攻為守；史高斯掌握中場；C朗主宰攻擊節奏，只要有一個在場中領軍，球隊嘅精神面貌已經大大不同。所以一個好簡單嘅問題，依家嘅曼聯有無呢種球員呢？
答案係，唔多，但係有！能夠有呢種風範，勉勉強強可以帶出球隊性格嘅人，就係普巴！當然佢花巧嘅打法唔少曼迷都唔太認同，不過佢確係喺曼聯陣中起好重要嘅作用。進攻方面山齊士一直無法融入；馬迪爾、福仔又太後生；盧卡古…算吧啦。後衛方面，史摩寧、鍾斯年資就夠，霸氣不足，亦無綜觀全局嘅能力。咁樣比法，普巴閱讀球賽、控制節奏嘅能力，已經喺云云隊友當中跑出，無咗佢會發生咩事，打吡戰大家已經見到。所以有唔少英國球評名家，都認為普巴理應成為球隊核心，摩帥打造曼聯理應圍繞呢位「問題兒童」。
但如果真係要由普巴開始打造曼聯，咁摩連奴就絕不能夠再打防守戰術。睇返普巴，大家都知佢強在「創造」，而非「破壞」。由密密麻麻嘅守軍當中製造進攻空間，又或者長傳急攻攻其無備，都係普巴嘅功夫。有外國球評家講過，如果有隊友拎波由左路推進，普巴唔會埋去支援，潛意識下會向右走製造更多空間。所以佢根本唔知咩叫防守mindset，要佢好似馬迪(上年嗰個)封住人哋傳波線路，打散對手攻擊節奏，呢啲都唔係普巴擅長嘅。喺祖記，有基迪拉在普巴身後打防守；喺法國隊有簡迪；而上季普巴發揮好啲，正正因為有馬迪在身後支援，幫佢頂哂啲防務。所以摩連奴要建立普巴為中心嘅球隊，先要搵一個夾到佢嘅出色防中，然後建立一套普巴發辦嘅中前場系統。但好明顯，呢套系統九成嘅時間都只會劍指對方龍門，唔好期望佢哋會參與太多防守。
呢個模式或者啱依家曼聯用，不過都有2個隱憂。第一，就係摩連奴肯唔肯放棄佢嘅保守至上打法呢？對車路士一役2:1的優勢之下，佢第一個反應就係保住勝局，全軍退守，呢種直接反應好明顯一時三刻改唔嚟，佢亦一定唔想改。但用普巴做重心的話，又要偏向進攻足球，兩難之下，搵平衡點固然唔易，要有一方犧牲亦唔太可能。最好，當然係摩連奴讓步，打返攻擊至上，就連球迷都會好開心，但似乎都唔易……
第二個隱憂，係普巴同摩連奴關係唔算好，加上喺曼聯發展有障礙，令唔少人都懷疑佢會出走「脫魔」。不過呢個隱憂應該點都好過攻守失衡，因為普巴上星期接受訪問時大讚曼聯：「我返嚟奧脫福打波，係我一生人入面最開心嘅事。感覺就似返屋企，因為我從來都夢想為曼聯爭戰、上陣、入波。我心態一直無變，可能隊伍面貌同領隊唔同咗，但球會其他的一切都無變。我只係返咗屋企，之前嘅日子就好似去放個假咁！我始終都係愛回家嘛！」睇嚟普巴喜歡曼聯都幾真心，加上咁貴買佢返嚟，又係依家球隊最有機會成為傳奇嘅人物，曼聯高層斷估都唔會放佢走嘅。咁嘅情況下，仲唔圍繞佢建構新曼聯，仲等幾時？
答案係，唔多，但係有！能夠有呢種風範，勉勉強強可以帶出球隊性格嘅人，就係普巴！當然佢花巧嘅打法唔少曼迷都唔太認同，不過佢確係喺曼聯陣中起好重要嘅作用。進攻方面山齊士一直無法融入；馬迪爾、福仔又太後生；盧卡古…算吧啦。後衛方面，史摩寧、鍾斯年資就夠，霸氣不足，亦無綜觀全局嘅能力。咁樣比法，普巴閱讀球賽、控制節奏嘅能力，已經喺云云隊友當中跑出，無咗佢會發生咩事，打吡戰大家已經見到。所以有唔少英國球評名家，都認為普巴理應成為球隊核心，摩帥打造曼聯理應圍繞呢位「問題兒童」。
但如果真係要由普巴開始打造曼聯，咁摩連奴就絕不能夠再打防守戰術。睇返普巴，大家都知佢強在「創造」，而非「破壞」。由密密麻麻嘅守軍當中製造進攻空間，又或者長傳急攻攻其無備，都係普巴嘅功夫。有外國球評家講過，如果有隊友拎波由左路推進，普巴唔會埋去支援，潛意識下會向右走製造更多空間。所以佢根本唔知咩叫防守mindset，要佢好似馬迪(上年嗰個)封住人哋傳波線路，打散對手攻擊節奏，呢啲都唔係普巴擅長嘅。喺祖記，有基迪拉在普巴身後打防守；喺法國隊有簡迪；而上季普巴發揮好啲，正正因為有馬迪在身後支援，幫佢頂哂啲防務。所以摩連奴要建立普巴為中心嘅球隊，先要搵一個夾到佢嘅出色防中，然後建立一套普巴發辦嘅中前場系統。但好明顯，呢套系統九成嘅時間都只會劍指對方龍門，唔好期望佢哋會參與太多防守。
呢個模式或者啱依家曼聯用，不過都有2個隱憂。第一，就係摩連奴肯唔肯放棄佢嘅保守至上打法呢？對車路士一役2:1的優勢之下，佢第一個反應就係保住勝局，全軍退守，呢種直接反應好明顯一時三刻改唔嚟，佢亦一定唔想改。但用普巴做重心的話，又要偏向進攻足球，兩難之下，搵平衡點固然唔易，要有一方犧牲亦唔太可能。最好，當然係摩連奴讓步，打返攻擊至上，就連球迷都會好開心，但似乎都唔易……
第二個隱憂，係普巴同摩連奴關係唔算好，加上喺曼聯發展有障礙，令唔少人都懷疑佢會出走「脫魔」。不過呢個隱憂應該點都好過攻守失衡，因為普巴上星期接受訪問時大讚曼聯：「我返嚟奧脫福打波，係我一生人入面最開心嘅事。感覺就似返屋企，因為我從來都夢想為曼聯爭戰、上陣、入波。我心態一直無變，可能隊伍面貌同領隊唔同咗，但球會其他的一切都無變。我只係返咗屋企，之前嘅日子就好似去放個假咁！我始終都係愛回家嘛！」睇嚟普巴喜歡曼聯都幾真心，加上咁貴買佢返嚟，又係依家球隊最有機會成為傳奇嘅人物，曼聯高層斷估都唔會放佢走嘅。咁嘅情況下，仲唔圍繞佢建構新曼聯，仲等幾時？
請按此登錄後留言。未成為會員? 立即註冊