其實不得不佩服摩帥的人脈同埋動員力，今季曼聯可謂傳邊個就買到邊個，險簽同傳曼聯新聞數目之少真係近年少見，所以呢2日各大傳媒都講到似層層，話普巴重回母會只係時間問題，筆者都認為摩帥得到呢位法國球星的機會一啲都唔細。唔講值唔值嘅問題，亦唔講前事恩怨問題，如果普巴真係成魔，即係摩帥的4大收購完成哂，咁我哋又可唔可以預計到新球季的「魔陣」會是如何？以筆者嘅推斷，摩帥好可能再一次打破曼聯傳統，放棄多年來令人聞風喪膽嘅「魔翼陣」…
先講講筆者估出嚟嘅陣係點先！(人腳截止於7月21日)
陣式：4312
前鋒：
伊巴、朗尼、拉舒福特、馬迪爾 (任選其二)
攻擊中場：
米希達利恩、朗尼、馬達、費蘭尼(任選其一)
中場：
普巴、靴里拉、舒拉達連、卡域克、小豬、費蘭尼、白蘭特、鐘斯(任選其三)
後衛：
梳爾、艾歷拜利、史摩寧、達美安 (最似層層)、盧祖、白蘭特、鐘斯、華西、楊格
龍門：
迪基亞
無錯，就咁睇，呢個陣式就算傷兵增加，其實都幾多額外替補人選可以做到。而好明顯摩帥嘅擴軍藍圖入面無翼，佢亦似乎唔打算用翼做突破，返而係用入楔走位製造空間。
就咁分析，呢個陣環環相扣，前中後場的連繫感覺上會比雲高爾時代為強，最少唔會中場連搓，搵嚟搵去都搵唔到一個點交上前場，因為前面有喜歡跑動的米希達利恩走位，亦有伊巴做traget man 畀長波。不過呢個陣最大得益嘅，筆者會認為係靴里拉。
喺雲高爾年代，大家都不得不承認靴里拉係最有創造性的一位中場球員，而且助攻往往做得比防守好。佢嘅傳送準繩，人馬疊疊的情況下佢都運到個波出去空位到，而且往往有「向前交波」呢個心理慣性，閱讀中前場的能力亦非常高。只係，佢喺前朝打得最多嘅位置係：防中。在4位後防球員身前的防中。如此抹殺咗佢後上入波、抹殺咗佢控制攻擊節奏，傳送致命殺著的機會。
而摩帥如果真係唔用有翼陣的話，3位中場球員當中筆者認為一定要有靴里拉的身影，因為佢同普巴就係可以提供中場節奏的重要人物。餘下一位可以係卡域克，繼續佢擅守同轉守為攻的殺著；又或者係舒拉達連，稍稍溜後以守為攻，攔截、打散對手的攻擊模式。有咗2個中場核心推動，攻擊就可以有2個唔同方向同組織，令對手防不勝防。唔好唔記得靴里拉仲有一招後上攻門，喺前線球員同對手防守球員戰至難分難解時，就可以一記回傳畀後上嘅靴里拉嚟一記史高斯式中距離攻門，真係值得期待架！
先講講筆者估出嚟嘅陣係點先！(人腳截止於7月21日)
陣式：4312
前鋒：
伊巴、朗尼、拉舒福特、馬迪爾 (任選其二)
攻擊中場：
米希達利恩、朗尼、馬達、費蘭尼(任選其一)
中場：
普巴、靴里拉、舒拉達連、卡域克、小豬、費蘭尼、白蘭特、鐘斯(任選其三)
後衛：
梳爾、艾歷拜利、史摩寧、達美安 (最似層層)、盧祖、白蘭特、鐘斯、華西、楊格
龍門：
迪基亞
無錯，就咁睇，呢個陣式就算傷兵增加，其實都幾多額外替補人選可以做到。而好明顯摩帥嘅擴軍藍圖入面無翼，佢亦似乎唔打算用翼做突破，返而係用入楔走位製造空間。
就咁分析，呢個陣環環相扣，前中後場的連繫感覺上會比雲高爾時代為強，最少唔會中場連搓，搵嚟搵去都搵唔到一個點交上前場，因為前面有喜歡跑動的米希達利恩走位，亦有伊巴做traget man 畀長波。不過呢個陣最大得益嘅，筆者會認為係靴里拉。
喺雲高爾年代，大家都不得不承認靴里拉係最有創造性的一位中場球員，而且助攻往往做得比防守好。佢嘅傳送準繩，人馬疊疊的情況下佢都運到個波出去空位到，而且往往有「向前交波」呢個心理慣性，閱讀中前場的能力亦非常高。只係，佢喺前朝打得最多嘅位置係：防中。在4位後防球員身前的防中。如此抹殺咗佢後上入波、抹殺咗佢控制攻擊節奏，傳送致命殺著的機會。
而摩帥如果真係唔用有翼陣的話，3位中場球員當中筆者認為一定要有靴里拉的身影，因為佢同普巴就係可以提供中場節奏的重要人物。餘下一位可以係卡域克，繼續佢擅守同轉守為攻的殺著；又或者係舒拉達連，稍稍溜後以守為攻，攔截、打散對手的攻擊模式。有咗2個中場核心推動，攻擊就可以有2個唔同方向同組織，令對手防不勝防。唔好唔記得靴里拉仲有一招後上攻門，喺前線球員同對手防守球員戰至難分難解時，就可以一記回傳畀後上嘅靴里拉嚟一記史高斯式中距離攻門，真係值得期待架！
請按此登錄後留言。未成為會員? 立即註冊