曼聯3連敗，無獨有偶都出現在卡域克缺陣之後，大家都認為現時的「曼聯真龍」非卡神莫屬，有佢有波贏、無佢等輸波。佢對曼聯的重要性當然非常重要，冷靜、獨到的傳送、控制比賽的節奏固然很重要，更重要嘅係佢睇落無速度，但係幫球隊轉守為攻的速度極快，往往令對手未來得切反應時反擊已經開始。縱觀球壇，真係無咩人有呢一個功夫仔，最似樣都只係得個布斯基斯。你話要搵人替卡域克？唔通真係要買布斯基斯咩？所以，從來足球都唔係要搵人去「替代」，而係搵人去「創新」。
好似當年硬漢堅尼一樣，佢主宰曼聯的中場達10年之久，鐵血隊長唔單止有極強的身體抗性、打不死的精神，更會為隊友提搶，如果今日嘅曼聯對住當年阿仙奴的韋拉，真係無中場球員夠佢撞；偏偏當時曼聯就有一個可以硬拚的堅尼在陣。喺佢離隊之後，好多人都認為要搵一位硬漢子去頂替，點知之後嘅曼聯中場係由史高斯、傑斯，同埋卡域克去繼承，硬淨一定唔夠堅尼嚟，不過史高斯多咗3分「爛仔格」打斷對方節奏、傑斯多咗3分秀麗、卡域克就多咗3分戰術意味，個個形式都唔同，不過有效的話，根本上就無必要跟足上手點做。如今，曼聯需要嘅正正就係「對陣下藥」，睇下家下人腳的組合之中，點解卡仔咁重要，咁先可以諗如何組織新的中場陣式。
對上3仗，陣式其實同之前變化不大，不過因為無咗卡域克，各個球員都要為隊友補啲位，於是呢個微妙嘅分別令全部人都失去咗自己最佳嘅戰術位置。好似馬達，最當紅時自己身在球場的右側「搵到食」，但係點解同樣都係打右邊，對西布朗、愛華頓時咁辛苦？原因係，佢之所以打右邊有空位，係因為中場有兩個人幫佢，一方面靴里拉在進攻中場位置非常靈活構成威脅；另一方面費蘭尼撞散哂對方後衛，「大大份」阻住哂。不過呢兩場波靴里拉要兼顧防務，於是少咗壓前，馬達的空位就少咗。而幫佢手嘅朗尼好明顯就唔慣返中場幫手，要佢轉下方向、擾擾攘攘都仲可以，不過要佢在適當的時候支援靴里拉、費蘭尼，佢就一定唔係最好人選。呢個陣入面，佢都係打返前面、久唔久溜下後引開空位畀隊友進攻最有效。
咁睇，搵個質素同卡仔一樣嘅其實唔太實際，反而係點樣調動中後場的人腳最為重要。既然要放生靴里拉，費蘭尼、馬達先發揮到，咁中場就要搵人去做防務令靴里拉無後顧之憂。無卡仔靴里拉可能要做多啲功夫去轉守為攻，只要個中場拍檔夠穩陣就得。於是乎，根度簡、史杜特文就好啱用喇。唔買人？或者可以用傷癒的鍾斯幫下手做防中，又或者直情把心一橫，叫靴里拉專心防務，推攻擊中場新人彭拿利睇下接唔接到靴里拉手，都可以一試。不過你話要搵「新卡域克」？都係算吧啦！
好似當年硬漢堅尼一樣，佢主宰曼聯的中場達10年之久，鐵血隊長唔單止有極強的身體抗性、打不死的精神，更會為隊友提搶，如果今日嘅曼聯對住當年阿仙奴的韋拉，真係無中場球員夠佢撞；偏偏當時曼聯就有一個可以硬拚的堅尼在陣。喺佢離隊之後，好多人都認為要搵一位硬漢子去頂替，點知之後嘅曼聯中場係由史高斯、傑斯，同埋卡域克去繼承，硬淨一定唔夠堅尼嚟，不過史高斯多咗3分「爛仔格」打斷對方節奏、傑斯多咗3分秀麗、卡域克就多咗3分戰術意味，個個形式都唔同，不過有效的話，根本上就無必要跟足上手點做。如今，曼聯需要嘅正正就係「對陣下藥」，睇下家下人腳的組合之中，點解卡仔咁重要，咁先可以諗如何組織新的中場陣式。
對上3仗，陣式其實同之前變化不大，不過因為無咗卡域克，各個球員都要為隊友補啲位，於是呢個微妙嘅分別令全部人都失去咗自己最佳嘅戰術位置。好似馬達，最當紅時自己身在球場的右側「搵到食」，但係點解同樣都係打右邊，對西布朗、愛華頓時咁辛苦？原因係，佢之所以打右邊有空位，係因為中場有兩個人幫佢，一方面靴里拉在進攻中場位置非常靈活構成威脅；另一方面費蘭尼撞散哂對方後衛，「大大份」阻住哂。不過呢兩場波靴里拉要兼顧防務，於是少咗壓前，馬達的空位就少咗。而幫佢手嘅朗尼好明顯就唔慣返中場幫手，要佢轉下方向、擾擾攘攘都仲可以，不過要佢在適當的時候支援靴里拉、費蘭尼，佢就一定唔係最好人選。呢個陣入面，佢都係打返前面、久唔久溜下後引開空位畀隊友進攻最有效。
咁睇，搵個質素同卡仔一樣嘅其實唔太實際，反而係點樣調動中後場的人腳最為重要。既然要放生靴里拉，費蘭尼、馬達先發揮到，咁中場就要搵人去做防務令靴里拉無後顧之憂。無卡仔靴里拉可能要做多啲功夫去轉守為攻，只要個中場拍檔夠穩陣就得。於是乎，根度簡、史杜特文就好啱用喇。唔買人？或者可以用傷癒的鍾斯幫下手做防中，又或者直情把心一橫，叫靴里拉專心防務，推攻擊中場新人彭拿利睇下接唔接到靴里拉手，都可以一試。不過你話要搵「新卡域克」？都係算吧啦！
請按此登錄後留言。未成為會員? 立即註冊