先祝賀一下莫耶斯的歐戰勝利先！呢場波互有攻守，大家表現都好悅目！而曼聯可以在德國球隊身上取得4個入波，都對之後在歐戰提供了強大的定心針。而在比賽中，其實有三大重點球員出現咗，專區編輯同大家分析一下啦！
一，武士道朗尼
要數亮點，點可以唔數朗尼呢？夏季時的大龍鳳、摩連奴的招手，甚至有段時間令筆者認為朗尼走硬，心灰意冷。所以莫耶斯仍然明確指出朗尼唔走，對傳媒同好多人而言，都被視為笑話。不過到咗今日，睇到朗尼入波不斷之餘，隊友對佢都報以好溫暖嘅擁抱、慶祝佢入波，一切一切都令人喜出望外！
在比賽早段，佢已經同隊友表現出好強大的默契，同香川的合作非常亮眼，而第一個入波就係老朋友艾夫拿送俾佢嘅。除咗兩個入波，仲貢獻出一個助攻俾華倫西亞，朗尼在曼聯陣中的可貴不言而喻。老實講，朗尼無正選好大程度是因為爵爺的「雪藏」，依家時移世易，在莫帥的領軍下佢甚至可以長時間任影子前鋒，開心程度可想而知。到今日，朗尼身為曼聯一份子、身為前「冤家」莫耶斯的旗下猛將，都顯得非常自然。對於呢排的事業得意，唔知佢會唔會歸功於自己條幸運「武士道頭帶」，之後場場都帶住呢？
二，餓狼雲佩斯
另一焦點，自然在另一神鋒雲佩斯身上。要講餓，佢一定係曼聯陣中最餓嗰個；餓聯賽冠軍都仲好啲，上年叫做餵飽咗少少；不過最餓的部分一定在歐聯。喺呢個比賽，雲佩斯真係餓得太耐，在2006年阿仙奴辛辛苦苦打入歐聯決賽，不過雲師兄就在後備席上坐足全場；2011年對巴塞時被趕出場；2012年時不敵ac；2013年不敵皇馬…佢好似總係同歐聯擦身而過，可想而知佢有幾想攞。所以佢呢場波硬係入唔到波，最後真係入到喇，表現出嘅唔係開心而係如釋重負，因為作為一個完美主義者，佢想由第一步開始建構曼聯的歐聯冠軍。有咗呢位強大前鋒的意志，今年曼聯的歐戰必定如狼似虎。
當然，不得不提佢同另一位狼虎前鋒朗尼的關係，二人上年表現出好難兄難弟，今季情況已經變成競爭對手了。就以朗尼上半場唔肯傳波俾雲佩斯的必入波睇得出，2R之間已經有爭逐之心，在朗尼回歸前鋒線的一刻開始，兩人鬥入得波多的比賽亦正式開始。只要唔好因為意氣之爭令大家唔開心、唔肯助攻大家，佢哋鬥入波損失嘅只有曼聯嘅對手！
三，左路神兵香川真司
大家最期待的畫面出現了！就係香川真司終於重返賽場了！外間對莫耶斯不起用香川真司都有疑問，不過一用就在歐聯用，可見香川在莫帥眼中有一定的地位。而睇到香川的表現，筆者都確信佢之前真係病病哋，今仗未係十足，不過已經為香川迷放下不少心頭大石。喺楊格的插水風格被受質疑、韋碧克又在膝傷的陰霾之下，可見左路的位置最佳人選已經係香川。
喺好耐好耐之前，莫帥曾經改造過一位多蒙特的中場指揮官成為左路飛翼，呢位就係史提芬派拿。而今日，我哋見到莫耶斯都有呢個準備，將香川放在左路。相比起只在左翼一路推進，香川更加傾向切入中路，俾助攻力非常強的艾夫拿做疊瓦，戰術上更多變。
在卡靈頓訓練場的消息指，香川在控球、觸球的表現只是僅次於史高斯，加上佢靈活、擅於變速，在創造力方面對曼聯的貢獻非常大。所以大家唔駛擔心，香川在曼聯爆發的日子應該不在遠矣！
一，武士道朗尼
要數亮點，點可以唔數朗尼呢？夏季時的大龍鳳、摩連奴的招手，甚至有段時間令筆者認為朗尼走硬，心灰意冷。所以莫耶斯仍然明確指出朗尼唔走，對傳媒同好多人而言，都被視為笑話。不過到咗今日，睇到朗尼入波不斷之餘，隊友對佢都報以好溫暖嘅擁抱、慶祝佢入波，一切一切都令人喜出望外！
在比賽早段，佢已經同隊友表現出好強大的默契，同香川的合作非常亮眼，而第一個入波就係老朋友艾夫拿送俾佢嘅。除咗兩個入波，仲貢獻出一個助攻俾華倫西亞，朗尼在曼聯陣中的可貴不言而喻。老實講，朗尼無正選好大程度是因為爵爺的「雪藏」，依家時移世易，在莫帥的領軍下佢甚至可以長時間任影子前鋒，開心程度可想而知。到今日，朗尼身為曼聯一份子、身為前「冤家」莫耶斯的旗下猛將，都顯得非常自然。對於呢排的事業得意，唔知佢會唔會歸功於自己條幸運「武士道頭帶」，之後場場都帶住呢？
二，餓狼雲佩斯
另一焦點，自然在另一神鋒雲佩斯身上。要講餓，佢一定係曼聯陣中最餓嗰個；餓聯賽冠軍都仲好啲，上年叫做餵飽咗少少；不過最餓的部分一定在歐聯。喺呢個比賽，雲佩斯真係餓得太耐，在2006年阿仙奴辛辛苦苦打入歐聯決賽，不過雲師兄就在後備席上坐足全場；2011年對巴塞時被趕出場；2012年時不敵ac；2013年不敵皇馬…佢好似總係同歐聯擦身而過，可想而知佢有幾想攞。所以佢呢場波硬係入唔到波，最後真係入到喇，表現出嘅唔係開心而係如釋重負，因為作為一個完美主義者，佢想由第一步開始建構曼聯的歐聯冠軍。有咗呢位強大前鋒的意志，今年曼聯的歐戰必定如狼似虎。
當然，不得不提佢同另一位狼虎前鋒朗尼的關係，二人上年表現出好難兄難弟，今季情況已經變成競爭對手了。就以朗尼上半場唔肯傳波俾雲佩斯的必入波睇得出，2R之間已經有爭逐之心，在朗尼回歸前鋒線的一刻開始，兩人鬥入得波多的比賽亦正式開始。只要唔好因為意氣之爭令大家唔開心、唔肯助攻大家，佢哋鬥入波損失嘅只有曼聯嘅對手！
三，左路神兵香川真司
大家最期待的畫面出現了！就係香川真司終於重返賽場了！外間對莫耶斯不起用香川真司都有疑問，不過一用就在歐聯用，可見香川在莫帥眼中有一定的地位。而睇到香川的表現，筆者都確信佢之前真係病病哋，今仗未係十足，不過已經為香川迷放下不少心頭大石。喺楊格的插水風格被受質疑、韋碧克又在膝傷的陰霾之下，可見左路的位置最佳人選已經係香川。
喺好耐好耐之前，莫帥曾經改造過一位多蒙特的中場指揮官成為左路飛翼，呢位就係史提芬派拿。而今日，我哋見到莫耶斯都有呢個準備，將香川放在左路。相比起只在左翼一路推進，香川更加傾向切入中路，俾助攻力非常強的艾夫拿做疊瓦，戰術上更多變。
在卡靈頓訓練場的消息指，香川在控球、觸球的表現只是僅次於史高斯，加上佢靈活、擅於變速，在創造力方面對曼聯的貢獻非常大。所以大家唔駛擔心，香川在曼聯爆發的日子應該不在遠矣！
請按此登錄後留言。未成為會員? 立即註冊