曼聯專區小評:歐戰後話 ESPN話費蘭尼似哥斯拉??

曼聯專區 於 03/04/2014 發表 收藏文章
筆者真心感覺曼聯對拜仁的比賽有啲好彩,喺睇完車仔、多蒙特都輸波之後更加有呢個感覺。對住宇宙最強嘅拜仁都可以和波,真係算有交待喇!不過交待還交待,都仍然有好多嘢值得深思一下嘅。

小弟早前已經寫過,打防反可能係其中一個可以擊敗拜仁的戰術,而緬恩斯正正就試過一次(見曼聯專區小評:緬恩斯教曼聯點殺「仁」)。咁啱得咁橋,莫耶斯真係用咗緬恩斯嘅終極防反戰,而結果亦比緬恩斯好,最少保得和局。其實兩場波真係幾似,緬恩斯全場比賽控球率僅為22.2%;曼聯呢?都係得26%,可以話係將控球權完全俾哂對方。洛賓自己都講,曼聯好似打手球咁,成隊人塞哂喺禁區入面,只係依靠反擊、突擊取得點數。先唔好理人哋喜唔喜歡,呢個戰術確係有再用多一次嘅價值。

不過,呢場波亦睇到一啲球員實在有「進步空間」。打防反,筆者明白速度好重要,用韋大帝無可厚非,不過佢嘅把握力真係有待改進,唔係上半場佢嘅笠射唔入,可能曼聯下半場可以再打得好啲…然而,最需要諗諗嘅係中場,尤其係爆炸頭費蘭尼,佢腳下有波大家就要驚一驚,一逼就甩、只懂回傳,完全無法組織都算,連好好交一腳波都唔得,ESPN甚至形容佢為:「你要費蘭尼控好個波,就好似要哥斯拉用腳泊好一部mini copper一樣咁難。」控波都算喇,根據OPTS統計,7個爭頂先贏得一次,空有1米94的身型而發揮唔到,真係有啲問題噃…所以,次回合都係乖乖哋用返費查同香川真司啦…

單計人腳、質素,曼聯下回合其實都真係無咩勝算,就算俾你搏到1:1都仲要打加時、十二碼。筆者自己就唔會太大期望,咁就無咩失望架喇!只要曼聯下場打出戰意,戰果係點又有咩所謂呢?
HI 費蘭尼!

如果喜歡我們的文章,請即分享到︰

標籤: 曼聯專區小評  費蘭尼  

留言

會員
我要評論
請按此登錄後留言。未成為會員? 立即註冊
  • jasonwkc
    jasonwkc 於 04/04/2014 評論 NO. 1

    曼成場得廿幾控球, 佢可以有幾多作為?! 成場波控球最多可能係wellback, 有個大舊佬在中場中塞車打防守很有用, 總好過相對單薄的cleverly盲頭烏蠅跑來跑去

  • joaquin7
    joaquin7 於 04/04/2014 評論 NO. 2

    佢打開爛...點解又要佢咁快打到華麗呢?
    對手係拜仁....佢咁多年在愛華頓又有幾多次對呢個級數對手呢?
    反而希望佢做好D後腰屏障角色,
    好過希望佢咁快就做好交波...
    Carrick一開頭來到都做唔到傳送大師角色啦...現在咪打得幾好...比D時間佢啦...
    免得佢第時上到位轉頭D人又當佢神咁拜....
    我支持曼聯,因此都接受到佢呢段時間的調整.

    加油吧...費蘭尼。

快捷鍵:←
快捷鍵:→