事緣晌曼聯0:0和西布朗嘅比賽，梳爾並唔晌18人大軍名單入面，之後領隊摩連奴出席記者會嘅時侯，當被問及梳爾情況，摩佬就話喇：「誰？梳爾？佢要坐上後備席實在好困難，因為我無法將佢同艾殊利楊格、達美安、白蘭特比較。我無法比較佢嘅訓練、投入度同野心。我無法比較。他落後太多了。」此話一出之後，即刻畀各大傳媒瘋狂報道，亦即刻有梳爾晌曼聯仕途響起紅燈，以及想離隊他投嘅傳聞。
曾經晌上季初重創嘅梳爾，休息咗大半個球季，但係就算好番之後，得唔到摩連奴嘅歡心，佢對上一次為紅魔上陣，已經要數到去一個月前主場賽和般尼茅夫嘅比賽。直到現時為止，梳爾晌聯賽只喺上陣過8場，各項盃賽夾埋亦都只係上陣過7場波。
之不過呢一次批評唔知係唔係摩佬嘅心理戰，周一據《skysports》報道，摩佬晌曼聯訓練場同梳爾會面攤牌，雖然唔知兩人內容係咩，但出奇地會面之後梳爾隨即納入大軍往酒店住宿，並列入18人出賽名單當中，即係周三凌晨對愛華頓一戰，一定有梳爾個名。
事實上梳爾上季出戰歐聯分組賽時受傷，受傷之前佢當時可以話狀態非常好，左路帶波出波樣樣有，當時個個紅魔球迷都佢信心大增，兼寄語厚望，可惜一定重創為佢帶嚟改變，之後復出晌摩佬領軍下多次受到佢嘅批評，而位置上摩佬寧願將達美安放晌左邊，或者出艾殊利楊格，都唔願出梳爾。個人見解上梳爾應該都啱摩帥風格，防守能力應該比楊格強，而且有速度，過人出波能力唔差， 之但係摩帥最緊要球員晌場上勤力，願意走多步，正正就係因為佢晌操練表現唔到積極態度，再被其他球員比下去，令摩帥至今對佢都係無信心。
正因為咁，個人認為梳爾應該盡努力表現自己野心，以梳爾能力，應該可以晌摩帥領軍嘅曼聯佔到一個正選席位，正如前球星米斯都話：「好明顯呢件事係關於紀律、奉獻同個人意願，而梳爾晌呢幾方面都係表現得唔足夠。佢已經擁有世上球星應有嘅能力，依家就係在於態度問題，就算係受傷，都要向外證明自己已經付出努力嘅一面，呢個係一個球員應有嘅工作，所以無論如何都係球員問題。」
梳爾努力嘅同時，個人認為梳爾最緊要喺心理方面唔好受公開批評呢件事影響，應該係晌前看。摩帥係一個好有策略嘅人，佢公開批評唔會係突然爆晌口，摩帥如果唔想留一個人，佢大可以直接表明梳爾無未來，咁樣睇落摩帥只係不滿佢嘅態度，即係仲有機會改變自己上陣機會。睇過咁多評論，比較同意加利仔所講：「如果我係梳爾，我唔會去諗離開曼聯，應該去諗一諗對西布朗場波摩帥用嘅係楊格，但唔係用達美安、盧祖又或者白蘭特呢啲正宗左閘球星。與其諗領隊唔識得欣賞自己，不如諗下全力all-in，因為可以成為全世界其中一位出眾左閘嘅機會，正正就晌自己前面。再者以我觀察過佢嘅能力，他絕對可以成為曼聯NO.1左閘，但好可惜依家情況係佢發展上有啲阻滯。」
有關文章：
https://www.theguardian.com/football/2017/apr/03/luke-shaw-jose-mourinho-criticism-gary-neville-manchester-united
http://www.bbc.com/sport/football/39485789
http://www.espnfc.com/manchester-united/story/3095462/shaw-joins-man-united-squad-after-talks-with-jose-mourinho-report
http://www.skysports.com/football/news/11667/10824133/luke-shaw-back-in-manchester-united-squad-after-talks-with-jose-mourinho
曾經晌上季初重創嘅梳爾，休息咗大半個球季，但係就算好番之後，得唔到摩連奴嘅歡心，佢對上一次為紅魔上陣，已經要數到去一個月前主場賽和般尼茅夫嘅比賽。直到現時為止，梳爾晌聯賽只喺上陣過8場，各項盃賽夾埋亦都只係上陣過7場波。
之不過呢一次批評唔知係唔係摩佬嘅心理戰，周一據《skysports》報道，摩佬晌曼聯訓練場同梳爾會面攤牌，雖然唔知兩人內容係咩，但出奇地會面之後梳爾隨即納入大軍往酒店住宿，並列入18人出賽名單當中，即係周三凌晨對愛華頓一戰，一定有梳爾個名。
事實上梳爾上季出戰歐聯分組賽時受傷，受傷之前佢當時可以話狀態非常好，左路帶波出波樣樣有，當時個個紅魔球迷都佢信心大增，兼寄語厚望，可惜一定重創為佢帶嚟改變，之後復出晌摩佬領軍下多次受到佢嘅批評，而位置上摩佬寧願將達美安放晌左邊，或者出艾殊利楊格，都唔願出梳爾。個人見解上梳爾應該都啱摩帥風格，防守能力應該比楊格強，而且有速度，過人出波能力唔差， 之但係摩帥最緊要球員晌場上勤力，願意走多步，正正就係因為佢晌操練表現唔到積極態度，再被其他球員比下去，令摩帥至今對佢都係無信心。
正因為咁，個人認為梳爾應該盡努力表現自己野心，以梳爾能力，應該可以晌摩帥領軍嘅曼聯佔到一個正選席位，正如前球星米斯都話：「好明顯呢件事係關於紀律、奉獻同個人意願，而梳爾晌呢幾方面都係表現得唔足夠。佢已經擁有世上球星應有嘅能力，依家就係在於態度問題，就算係受傷，都要向外證明自己已經付出努力嘅一面，呢個係一個球員應有嘅工作，所以無論如何都係球員問題。」
梳爾努力嘅同時，個人認為梳爾最緊要喺心理方面唔好受公開批評呢件事影響，應該係晌前看。摩帥係一個好有策略嘅人，佢公開批評唔會係突然爆晌口，摩帥如果唔想留一個人，佢大可以直接表明梳爾無未來，咁樣睇落摩帥只係不滿佢嘅態度，即係仲有機會改變自己上陣機會。睇過咁多評論，比較同意加利仔所講：「如果我係梳爾，我唔會去諗離開曼聯，應該去諗一諗對西布朗場波摩帥用嘅係楊格，但唔係用達美安、盧祖又或者白蘭特呢啲正宗左閘球星。與其諗領隊唔識得欣賞自己，不如諗下全力all-in，因為可以成為全世界其中一位出眾左閘嘅機會，正正就晌自己前面。再者以我觀察過佢嘅能力，他絕對可以成為曼聯NO.1左閘，但好可惜依家情況係佢發展上有啲阻滯。」
有關文章：
https://www.theguardian.com/football/2017/apr/03/luke-shaw-jose-mourinho-criticism-gary-neville-manchester-united
http://www.bbc.com/sport/football/39485789
http://www.espnfc.com/manchester-united/story/3095462/shaw-joins-man-united-squad-after-talks-with-jose-mourinho-report
http://www.skysports.com/football/news/11667/10824133/luke-shaw-back-in-manchester-united-squad-after-talks-with-jose-mourinho
請按此登錄後留言。未成為會員? 立即註冊