曼聯專區小評:曼聯轉會市場上先輸一仗

曼聯專區 於 03/09/2013 發表 收藏文章
曼聯今夏晌轉會市場攪到最後一刻先簽入費蘭尼,其實成個轉會窗咁多時間,的確唔需要做到咁趕…晌呢兩個月時間,曼聯轉會工作上的確慢人一步!
先講費蘭尼,其實英媒早就披露幾個月前只要用2350鎊就可以買斷,而外界亦一早睇好曼聯可以買入爆炸頭! 唔理究竟係7月31日定8月14日到期,莫帥明明都有好大空間去做嘢,節省400萬鎊,先唔好理愛華頓肯唔肯放人,但以莫帥晌拖肥嘅日子,相信佢一定有渠道同能力可以極速簽入費蘭尼。竟然有心買,亦可如此十拿九穩嘅收購,點解要拖到最後一刻,其實好令人大惑不解,除非係揀無可揀下先要費蘭尼!

其次晌法比加斯身上,曼聯今夏花咗最多時間就係晌買法比加斯身上,一次、二次、三次出價,直到對法比加斯本人出嚟講唔想轉會,想留晌巴塞先停止,雖然真實唔可以好似足球經理人FOOTBALL MANAGER遊戲咁,可以一次過知道晒球員擅長打咩位、特性、有無轉會意向等,但曼聯就好像買唔入法比加斯,就停滯不前,想不到下一步做什麼,去到臨關閉前幾日,先準備買入同樣打攻中嘅靴里拉! 其實呢個情況有啲似車路士想買朗尼、一次、二次報價都唔得,但不同的車仔一早有PLAN B,買入韋利安同伊度奧,唔會因此錯過轉會時間!

最後晌買靴里拉身上,晌轉會窗最後嗰日,一日盛傳曼聯已準備出價3600萬歐元嘅買斷條款,可以從畢爾包身上簽入靴里拉,而且靴里拉本人亦希望轉會,從而願意減薪以達成轉會,不過最終都係嫌貴而無出價,而貴價係在於西班牙稅項身上,外國傳媒就報導曼聯就好似運動選手咁,企晌在個欄前面,準備緊跨唔跨過去之際,最終決定放棄,從而錯失引入創造性中場嘅機會。問題在於點解到最後一步先了解到稅項問題,晌買人之前不是應該一早好清楚有咩需要注意,做足功課、了解清楚,然後先決定出唔出價買人,而唔係晌臨買一切先清楚對手嘅要求。當然呢個問題只要曼聯肯俾多啲錢,就唔會發生。

總結嚟講,曼聯晌今夏轉會窗上的確有不足,一眾人俾人感覺係只要曼聯出價,就一定有大班人會加盟那樣,當中多樣細節未有好好想清楚,亦未做好周詳計劃,但唯一安慰的是,盛傳曼聯準備一月轉會窗重開時再斟,希望如屬真嘅話,希望曼聯到時可以決斷一點,唔好再拖拖拉拉!
莫耶斯到時唔好再攤大手咁樣喇,,,

如果喜歡我們的文章,請即分享到︰

標籤: 曼聯  轉會市場  費蘭尼  靴里拉  

留言

會員
我要評論
請按此登錄後留言。未成為會員? 立即註冊
  • 陽光宅男
    陽光宅男 於 03/09/2013 評論 NO. 1

    轉會工作唔係ceo做咩? 莫耶斯唔係淨係比list比董事會通過拍板bid?

  • WL
    WL 於 04/09/2013 評論 NO. 2

    老老實實,球會本身有幾撐呢位由傳奇推介既接班人,係呢個轉會窗做哂出面,執生啦莫先生…

  • Ben Tung
    Ben Tung 於 04/09/2013 評論 NO. 3

    On9..第一日出嚟教呀

  • Eric Lam
    Eric Lam 於 04/09/2013 評論 NO. 4

    睇完晒曼聯係最後一D日轉會新聞, 真係以"一個荒謬的團隊"都形容唔到呢班人.

  • Taurus Choy
    Taurus Choy 於 04/09/2013 評論 NO. 5

    下次要買返隻有突破能力嘅左翼

  • Kaze Andy Yau
    Kaze Andy Yau 於 04/09/2013 評論 NO. 6

    佢第一次有錢買人。。。

  • Darron Lam
    Darron Lam 於 04/09/2013 評論 NO. 7

    So?

  • Edwin Poon
    Edwin Poon 於 04/09/2013 評論 NO. 8

    個CEO嘅性格同雲加差不多。或者美國佬唔想洗錢。費sir 在位高高在上,Moyes 只係有兵但冇權嘅人,得個望字

  • 塔奇克馬
    塔奇克馬 於 04/09/2013 評論 NO. 9

    個問題好大可能係ceo問題,莫耶斯可能只係砲灰...

  • Ho Tony
    Ho Tony 於 04/09/2013 評論 NO. 10

    當當曼聯,買個人都咁難!真可憐

  • Wai Hang Cheong
    Wai Hang Cheong 於 04/09/2013 評論 NO. 11

    其實入左費蘭尼 曼聯都夠打啦 只要少d出 傑斯/楊格正選, 出番蘭尼 華西 拍卡域克 費蘭尼 中場不知幾勁,後備仲有香川,A8 係成日出d on9陣先輸波者

  • Keven Man
    Keven Man 於 04/09/2013 評論 NO. 12

    說好的干查奧呢?

  • Ivan Au
    Ivan Au 於 04/09/2013 評論 NO. 13

    買人判斷力明顯係高層問題, 關莫耶斯咩事? 費SIR果時要買貝碧都係彈比董事會討論

  • Waishun Ng
    Waishun Ng 於 04/09/2013 評論 NO. 14

    等佢輸多幾獲先啦!

  • Lisa Wong
    Lisa Wong 於 04/09/2013 評論 NO. 15

    唔係咁快想炒佢下話~

  • Tsang Kwong Lam
    Tsang Kwong Lam 於 04/09/2013 評論 NO. 16

    唔係話爆炸頭唔好,只係葡萄隔離簽到個更強既ozil

  • Rico Wong
    Rico Wong 於 04/09/2013 評論 NO. 17

    新ceo唔掂啦

  • Terry Tsui
    Terry Tsui 於 04/09/2013 評論 NO. 18

    新CEO唔掂,莫耶斯本身亦未能擺脫教中游球會嘅心態,佢黎到又喺未安撫好隊中情況下,一心只想引入『名牌』以為可以咁就壯大自己名聲,最後兩頭唔到岸,波都輸埋...
    費蘭尼根本一早就應該用release clause買,又平啲又可以早啲俾佢融入球隊,而家真係可以即食? 同其他幾個中場磨合都要時間啩?
    至於話費蘭尼對曼聯有正面作用,大前提係要用佢拍卡域克打好中場中,再解放前面肥牛同Kagawa,莫耶斯繼續堅持用40歲、羊甚至大帝打正選,買邊個返黎都冇用...

  • Dickson Cheng
    Dickson Cheng 於 04/09/2013 評論 NO. 19

    冇眼睇!未日將至

  • Elmo  Ip
    Elmo Ip 於 04/09/2013 評論 NO. 20

    費 蘭 尼 為 加 盟 曼 聯 放 棄 400萬 鎊 2013年 9月 4日 10:16

    費 蘭 尼 最 終 如 願 加 盟 紅 魔 。

    曼 聯 以 2750萬 鎊 的 身 價 從 愛 華 頓 簽 下 了 費 蘭 尼 ,不 少 曼 聯 球 迷 可 能 都 怪 摩 耶 斯 沒 有 早 出 手 ,因 為 費 蘭 尼 在 7月 31日 前 的 毀 約 金 只 需 2350萬 鎊 。 不 過 ,今 日 《 電 訊 報 》 披 露 ,如 果 不 是 費 蘭 尼 主 動 提 出 轉 會 申 請 ,曼 聯 花 2750萬 鎊 還 拿 不 下 比 利 時 人 。

    《 電 訊 報 》 披 露 ,費 蘭 尼 的 合 同 中 有 400萬 鎊 的 忠 誠 金 條 款 ,如 果 費 蘭 尼 不 提 出 轉 會 申 請 ,他 就 可 以 領 到 這 筆 獎 金 。 眼 見 曼 聯 反 復 報 價 都 無 法 打 動 愛 華 頓 ,如 果 錯 過 了 夏 季 轉 會 窗 ,費 蘭 尼 又 要 等 多 半 年 才 能 加 盟 曼 聯 。 於 是 ,費 蘭 尼 在 當 地 時 間 9月 2日 晚 上 8點 向 愛 華 頓 提 出 轉 會 申 請 ,不 久 後 ,愛 華 頓 終 於 答 應 以 2750萬 鎊 的 價 錢 將 費 蘭 尼 賣 給 曼 聯 。

    否 則 的 話 ,愛 華 頓 收 到 的 2750萬 鎊 中 又 要 抽 出 400萬 鎊 給 費 蘭 尼 ,等 於 就 以 毀 約 金 賣 掉 費 蘭 尼 ,這 是 愛 華 頓 絕 對 不 會 答 應 的 事 情 。 這 就 很 好 地 解 釋 了 為 什 麼 摩 耶 斯 不 在 費 蘭 尼 合 同 毀 約 金 還 生 效 的 時 候 強 行 只 用 2350萬 鎊 收 購 費 蘭 尼 ,如 果 當 時 費 蘭 尼 又 不 提 出 轉 會 申 請 ,愛 華 頓 的 損 失 只 會 更 大 ,這 也 是 球 會 之 間 的 道 義 問 題

  • 肇倫
    肇倫 於 04/09/2013 評論 NO. 21

    樓上,夾計做場大戲咪信啦, 呢個世界冠冕堂皇既話何其多

  • 雙目失明
    雙目失明 於 04/09/2013 評論 NO. 22

    聖誕試下買陳7啦

  • Wai Wah Man
    Wai Wah Man 於 04/09/2013 評論 NO. 23

    未必完全係莫耶斯問題,最大問題係CEO根本有問題!

  • Michael Lee
    Michael Lee 於 04/09/2013 評論 NO. 24

    條新ceo想食價,食唔到,累左曼聯,(講完)

快捷鍵:←
快捷鍵:→