曼聯專區小評:曼聯是法比仔大展拳腳的好地方

曼聯專區 於 16/07/2013 發表 收藏文章
「曼聯傾90日都傾唔掂嘅艾簡達拿,拜仁兩日就傾掂」呢個只係煙幕,曼聯真正想要嘅原來係你:法比加斯!艾簡達拿轉會後不足24小時,莫耶斯已經立即向巴塞求售法比加斯,呢個舉動顯示紅魔一早已經準備好出價!

2年前,法比加斯以2900萬歐羅由阿仙奴回到青訓時期的母會巴塞隆拿;兩年後曼聯就打算以多啲啲:3000萬歐羅由巴塞將呢位中場大將帶回英國。呢兩年之間,老實講法比仔都唔係打最擅長嘅中場,因為有沙維同小白嘅關係,法比加斯只能打前一格做咗前鋒。不過臨近世界盃,要在陣中爭一席位的話法比仔實在要表現自己。上季巴塞上陣30次,11個入波11個助攻可謂可圈可點,不過身在巴塞一眾強大球員之中,要尋求突破真係唔係一件易事…

假設曼聯真係可以買到另一位前阿仙奴隊長會點?法比仔係好有洞察力嘅球員,有好強的傳送能力,仲可以作為影子殺手、在中場作出攻擊支援。而現時曼聯陣中最強大的中場是卡域克,二人一守一防、而且都擁有發出致命長傳的能力,對於前方雲佩斯、朗尼確係一個非常好的中場支援。加上幾年前法比仔、雲佩斯呢對組合已經好有默契,再加上原本的人腳就更為致命。
前阿仙奴重兵!

當然啦,要買佢亦要睇睇實情,阿仙奴有法比仔的優先購買權,不過到目前為止對法比仔有興趣嘅好似只有曼聯。而法比加斯自己亦講過,可以嘅話佢會想留喺巴塞:除非球會唔再需要佢。所以呢件事成功與否,好睇巴塞點諗。睇睇轉會,到今日巴塞因為賣咗艾簡違拿多咗2500萬歐元,不過都仲係有2500萬唔見咗,因為佢哋用咗5000萬歐元買尼馬…情況就係,尼馬到咗,巴塞更加人滿之患,法比仔可能會更加被邊緣化。講錢,巴塞收多3000萬歐元都係好事,賣咗個陣又可以諗少啲;講法比仔自己,在曼聯可以爭取更好表現打世界盃,更加可以同雲佩斯一同打天下;講曼聯…依家中場有幾勁,大家都有眼睇。就咁睇,法比仔成魔都有幾多好處架!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→