表面上，星期六的雙紅會以2:1完場，看似一場勢均力敵的比賽；阿仙奴曼聯的宿敵位置，表面上亦從未改變。然而實際上，一切都已經唔同哂，由氣氛開始到比賽的重要性，都大大改變了。
曾幾何時，曼聯對阿仙奴的比賽扣人心絃，球迷屏息以待、期待兩大巨頭的互碰，緊張氣氛非常濃厚。然而唔知由幾時開始，兩隊的比賽好似越來越無火藥味，越來越君子之爭。爵爺自己就先開聲：「場比賽好奇怪，一啲都唔似以前的雙紅會。氣氛好平淡。而且我哋打得好馬虎，好多攻門都浪費咗。你眼見2:1，好似好勢均力敵，其實唔係。我哋應該入夠5、6球。我好失望。」
呢場咁君子嘅比賽，由未出場時的球員通道入面就開始：雲佩斯極有風度地逐個與阿仙奴的球員握手，中場時又與教授有傾有講。雙方球員唔再火爆，大家的恩恩怨怨好似已經係上世紀嘅事一樣。原因係咩呢？
阿仙奴今季一開始予人感覺漸入佳境，比起之前的阿仙奴有明顯的改善。然而今仗一打，舊的阿仙奴好似重新返咗來，攻不銳守不穩，後防的混亂是今季難得一見的，表示出兵工廠仍要一段時間去重新建構。所以筆者認為，雙紅會不再火爆的第一個原因，係阿仙奴的威脅日漸減弱所致。要一場「宿敵大戰」好睇，當然要大家咁高咁大，好似曼聯對列斯聯曾經是所謂的「約克郡打比戰」，因為兩隊的實力曾經非常貼近。不過今日的列斯聯已經無復當年勇，「約克郡打比戰」亦再沒有當年的大戰氣氛。今日，觸目的大戰往往係紅藍大戰，因為可以抗衡紅魔的戰力中，最強的就是曼城、車路士。新的宿敵之戰已經成形，舊的宿敵之戰會否繼續無精打采，就要看阿仙奴會否爭氣了。
另一個原因，筆者認為係曼城、車路士的「亂入」所致。近年的惹火尤物先有摩連奴、後有巴洛迪利、文仙尼、迪維斯、韋拉，個個都出口術，個個都喜歡火上加油。阿仙奴呢？韋拉對堅尼已經成為舊事，教授同爵爺的口水戰亦已經好耐好耐無上演，要數雙紅的大口角已經好久好久之前。施維施達的靜靜入廠，雲佩斯成魔，亦打破雙方唔會買對方球員的「禁忌」。一對好宿敵，今日似已惺惺相惜，惜英雄重英雄，變成對抗暴發球會的同一戰線。矛頭，已經轉向。如此一來仲點會有大戰氣氛？
不過總括而言，筆者對雙紅會的睇法唔同咗，不過唔代表唔想睇。氛雖然唔再激烈，但猶如兩個謙謙君子的比賽，比起多多聲氣嘅藍紅大戰睇得舒服，亦係其中一場筆者唔太介意勝負的比賽。如果對曼城，曼聯輸波真係會好唔開心…唔知大家又有無同感呢？
要緊張，都係睇雙藍會點和波好啲！
雙紅會，俾人感覺越來越君子之爭
曾幾何時，曼聯對阿仙奴的比賽扣人心絃，球迷屏息以待、期待兩大巨頭的互碰，緊張氣氛非常濃厚。然而唔知由幾時開始，兩隊的比賽好似越來越無火藥味，越來越君子之爭。爵爺自己就先開聲：「場比賽好奇怪，一啲都唔似以前的雙紅會。氣氛好平淡。而且我哋打得好馬虎，好多攻門都浪費咗。你眼見2:1，好似好勢均力敵，其實唔係。我哋應該入夠5、6球。我好失望。」
呢場咁君子嘅比賽，由未出場時的球員通道入面就開始：雲佩斯極有風度地逐個與阿仙奴的球員握手，中場時又與教授有傾有講。雙方球員唔再火爆，大家的恩恩怨怨好似已經係上世紀嘅事一樣。原因係咩呢？
阿仙奴今季一開始予人感覺漸入佳境，比起之前的阿仙奴有明顯的改善。然而今仗一打，舊的阿仙奴好似重新返咗來，攻不銳守不穩，後防的混亂是今季難得一見的，表示出兵工廠仍要一段時間去重新建構。所以筆者認為，雙紅會不再火爆的第一個原因，係阿仙奴的威脅日漸減弱所致。要一場「宿敵大戰」好睇，當然要大家咁高咁大，好似曼聯對列斯聯曾經是所謂的「約克郡打比戰」，因為兩隊的實力曾經非常貼近。不過今日的列斯聯已經無復當年勇，「約克郡打比戰」亦再沒有當年的大戰氣氛。今日，觸目的大戰往往係紅藍大戰，因為可以抗衡紅魔的戰力中，最強的就是曼城、車路士。新的宿敵之戰已經成形，舊的宿敵之戰會否繼續無精打采，就要看阿仙奴會否爭氣了。
另一個原因，筆者認為係曼城、車路士的「亂入」所致。近年的惹火尤物先有摩連奴、後有巴洛迪利、文仙尼、迪維斯、韋拉，個個都出口術，個個都喜歡火上加油。阿仙奴呢？韋拉對堅尼已經成為舊事，教授同爵爺的口水戰亦已經好耐好耐無上演，要數雙紅的大口角已經好久好久之前。施維施達的靜靜入廠，雲佩斯成魔，亦打破雙方唔會買對方球員的「禁忌」。一對好宿敵，今日似已惺惺相惜，惜英雄重英雄，變成對抗暴發球會的同一戰線。矛頭，已經轉向。如此一來仲點會有大戰氣氛？
不過總括而言，筆者對雙紅會的睇法唔同咗，不過唔代表唔想睇。氛雖然唔再激烈，但猶如兩個謙謙君子的比賽，比起多多聲氣嘅藍紅大戰睇得舒服，亦係其中一場筆者唔太介意勝負的比賽。如果對曼城，曼聯輸波真係會好唔開心…唔知大家又有無同感呢？
要緊張，都係睇雙藍會點和波好啲！
雙紅會，俾人感覺越來越君子之爭
請按此登錄後留言。未成為會員? 立即註冊