曼聯專區小評：你點睇曼聯奪冠機會先？ 精選

曼聯今季雖然未至於好似上季成績咁差，不過都唔係好…然而追下追下，其實落後車仔都只係8分，咁係唔係有得追呢？紅魔鬼可以去到邊呢？大家一定好關心。ESPN就訪問咗兩個體育博客柏達臣同佩恩，而就呢啲問題，筆者講下佢哋嘅睇法，再加埋筆者的分析，俾大家望望啦！

柏：柏達臣 佩：佩恩

今季曼聯可否贏冠軍？
柏：有機會，不過唔太實際囉。可能最後分數會咬得好緊，曼聯會後悔季初失分太多的。車路士球員有傷的話仲有可能，尤其係法比仔同哥斯達，如果唔係，冠軍都應該無曼聯份。佩：當然有機會！不過機會唔大啫。摩帥領軍第二年的球隊通常都夠火候奪冠架喇，佢哋開季的表現就講明一切啦。而曼城都好好，最忠心的曼聯球迷都會認同佢哋有最好的11位球員在陣。一隊失準都仲講得通，2隊都失準？難啲！
筆者：睇波有時都要睇形勢，好似修咸頓一路走來都唔錯，不過一輸波就連輸幾場；曼聯都係，一贏就6場。車路士係咁多隊中最有霸氣的，最大機會！曼聯呢幾場贏都唔係贏得舒服，形勢上冠軍真係難啲…唔好期望太多！

1月買人有無助曼聯奪冠？
柏：如果可以買入兩個世界級後衛，一個打中間、一個打邊，咁就有望再改善成績。後衛的質素同傷兵的回復速度主宰曼聯的未來。個陣幾好架喇，不過成日有5個球員以上傷，撞鬼咩！
佩：呢一刻，頭四應該難唔到曼聯喇！不過新球員可否助奪冠？未必。多個球員對傷兵潮係好事，不過季中買人真係唔係時候。話就話維迪、艾夫拿都係季中引入，不過都係俾現有球員適應著數啲！
筆者：買人有無用？點都有嘅！不過目標唔係奪冠，而係夾默契，呢一隊曼聯都夾咗半年先叫好啲啦！你夏天先買後衛，唔通又夾半年、失波失半年先咩？都係買啦！為咗下年奪冠！

你估曼聯最後攞第幾？
柏：第三。我唔認為車仔會比我哋輸多3場咁多噃？(要輸多過我哋3場先失到9分，cover咗依家的8分)曼聯係就係無歐戰，對於聯賽有幫助，不過我哋表現其實唔穩定囉…如果雙藍可以失分，曼聯都有機會失分架。
佩：雲高爾係勁嘅，不過都唔係神…曼聯3月尾4月頭連鬥利物浦、曼城同車仔，贏到嘅話冠軍都唔奇！不過，車仔有太多分喇！所以…曼聯第二啦！
筆者：咁睇啦，車路士真係行得太前喇！8分，除非有咩大問題，要輸咁多分真係有難度…而曼城呢？人腳齊，都好難鬥…不過曼聯後面的修咸頓、韋斯咸都唔係好穩定的球隊，阿仙奴、熱刺又未搵到球隊真的問題所在，所以後面啲威脅其實唔太大。我估第三！不過最後一定同曼城打餐死，一定好好睇！