其實，真係有啲感覺雲高爾有啲發悔氣，傳媒講咗成年要畀朗尼打前鋒，佢就畀大家睇下前鋒尼幾有威力。事實係，朗尼重回前鋒之後，曼聯成績可謂平平無奇…自愛華頓3球大勝之後，朗尼做前鋒的4場比賽都和波收場，分別係對中央陸軍啦、曼城啦、米堡同埋水晶宮，當中唔計對米堡的話，3場比賽中曼聯共計只有18個攻門，對於全盛時期一場比賽可以有20個甚至接近30個攻門的曼聯而言，呢一個數字真係好令人灰心……不過，朗尼之所以態沉唔一定關佢自己事，好大可能係雲帥的影響導致嘅。
對於朗尼的疲態，好多名宿都談論過，當中尤以史高斯的講法最令人心折：「唔可以怪哂朗尼，好多嘢夾夾埋埋先令佢打唔出水準。朗尼打波係喜歡冒險嘅球員，對佢而言球場上嘅自由度好重要。佢要成場飛，咩都參與一下，咁先可以搵到自己在球場上的生存方式。我諗佢依家被限制咗，唔可以在自己想攞波嘅地方攞波。曼聯正正就係由爵爺喜歡的比賽方式進行變革當中。以前係創造力行先，好多空間畀球員發揮，有時唔介意冒多啲險，不過依家雲帥的風格多咗好多計算，球員都要工兵化。」
筆者對於史高斯的睇法都幾認同，睇雲帥的比賽好似睇捉棋，一步步嚟，當中講求控制節奏、球員都有清楚的位置同工作，好少有越界的情況，最易睇到就係爵爺時代左右翼有時會自己突然交換位置嚟打，當然爵爺可能有畀指示啦，不過雲帥麾下連呢種戰術都見過咁滯。之前贊奴沙在陣都仲見過下，依家無添。
你可能話，計住計住其實都無咩唔好，各門各派都有自己嘅打法架啦！無錯，就係因為咁，反而反映雲帥的戰術喺英超作用其實唔大。再講盡啲，你見朗尼點沉淪，就係曼聯態沉的原因。雲帥要球員「用腦踢波」，要戰術為先，要預視戰局，要綜觀全場，無錯，無一句錯，只係啱唔啱用啫。喺西甲、喺德甲，比賽節奏慢啲，球員逼搶無咁高強度，自自然然可以有時間用腦諗、用眼睇。你睇香川一返到德甲即刻生哂，因為佢係用腦踢波嘅人，太強嘅身體碰撞、太快嘅比賽節奏會影響佢發揮。同一諗法，朗尼在爵爺的麾下點解威力強大，係因為佢唔用腦。甩波就追、見波就搶，佢直情就係一隻戰鬥用蠻牛，心入面只有一個目標就係踢波。喺英超嘅快節奏入面，佢比你更快更狼，自然就會產生混亂同空間。依家？下下都要諗點去駁腳呀、點唔會失波呀、點交波對手先會有空位出現呀，球場上11個球員夾慣夾熟都未必可以喺英超打出呢種超默契戰術，更唔好話年年個陣都唔一樣…
之前嘅曼聯其實都係一樣，好多都係所謂routine 戰術，朗尼可以發揮爛仔性格打到甩脾，搶甩逼甩就有隊友幫手支援殺上前，就算對住對手的鐵桶，見得最多就係於對手防線外圍快搓，希望引出空位而好少回傳。換句話講，以前的曼聯都係「唔用腦」、一味攻，球味夠令大家睇得開心之餘，亦係好適合英超的一種壓逼戰術，用平時練慣的陣式，喺比賽入面好自然咁做出嚟，唔駛時間去思考，因為球員都知點做最啱。
所以，朗尼點先可以好返？筆者認為，叫佢唔好用腦諗啦，做返佢自己，自自然然就可以解放到架喇！不過雲帥麾下的「智能球隊」，又點會容許你唔諗先得架？
對於朗尼的疲態，好多名宿都談論過，當中尤以史高斯的講法最令人心折：「唔可以怪哂朗尼，好多嘢夾夾埋埋先令佢打唔出水準。朗尼打波係喜歡冒險嘅球員，對佢而言球場上嘅自由度好重要。佢要成場飛，咩都參與一下，咁先可以搵到自己在球場上的生存方式。我諗佢依家被限制咗，唔可以在自己想攞波嘅地方攞波。曼聯正正就係由爵爺喜歡的比賽方式進行變革當中。以前係創造力行先，好多空間畀球員發揮，有時唔介意冒多啲險，不過依家雲帥的風格多咗好多計算，球員都要工兵化。」
筆者對於史高斯的睇法都幾認同，睇雲帥的比賽好似睇捉棋，一步步嚟，當中講求控制節奏、球員都有清楚的位置同工作，好少有越界的情況，最易睇到就係爵爺時代左右翼有時會自己突然交換位置嚟打，當然爵爺可能有畀指示啦，不過雲帥麾下連呢種戰術都見過咁滯。之前贊奴沙在陣都仲見過下，依家無添。
你可能話，計住計住其實都無咩唔好，各門各派都有自己嘅打法架啦！無錯，就係因為咁，反而反映雲帥的戰術喺英超作用其實唔大。再講盡啲，你見朗尼點沉淪，就係曼聯態沉的原因。雲帥要球員「用腦踢波」，要戰術為先，要預視戰局，要綜觀全場，無錯，無一句錯，只係啱唔啱用啫。喺西甲、喺德甲，比賽節奏慢啲，球員逼搶無咁高強度，自自然然可以有時間用腦諗、用眼睇。你睇香川一返到德甲即刻生哂，因為佢係用腦踢波嘅人，太強嘅身體碰撞、太快嘅比賽節奏會影響佢發揮。同一諗法，朗尼在爵爺的麾下點解威力強大，係因為佢唔用腦。甩波就追、見波就搶，佢直情就係一隻戰鬥用蠻牛，心入面只有一個目標就係踢波。喺英超嘅快節奏入面，佢比你更快更狼，自然就會產生混亂同空間。依家？下下都要諗點去駁腳呀、點唔會失波呀、點交波對手先會有空位出現呀，球場上11個球員夾慣夾熟都未必可以喺英超打出呢種超默契戰術，更唔好話年年個陣都唔一樣…
之前嘅曼聯其實都係一樣，好多都係所謂routine 戰術，朗尼可以發揮爛仔性格打到甩脾，搶甩逼甩就有隊友幫手支援殺上前，就算對住對手的鐵桶，見得最多就係於對手防線外圍快搓，希望引出空位而好少回傳。換句話講，以前的曼聯都係「唔用腦」、一味攻，球味夠令大家睇得開心之餘，亦係好適合英超的一種壓逼戰術，用平時練慣的陣式，喺比賽入面好自然咁做出嚟，唔駛時間去思考，因為球員都知點做最啱。
所以，朗尼點先可以好返？筆者認為，叫佢唔好用腦諗啦，做返佢自己，自自然然就可以解放到架喇！不過雲帥麾下的「智能球隊」，又點會容許你唔諗先得架？
請按此登錄後留言。未成為會員? 立即註冊