曼聯下圈歐聯會鬥咩?

今晚香港時間晚上7:00，就會進行歐聯抽籤，唔知到時曼聯又會抽中對邊隊呢? 依家同大家講下各隊先喇…

史浩克04 – 雙方從未交鋒，對上一次史浩克04嚟到曼市比賽，已經係1970年4月，當時遭曼城大炒5:1。今次係呢間德國球會第6次參加歐聯，但球隊啱啱大地震，球隊打入8強一陣，教練馬加夫就被球隊革退，由蘭歷克頂上。

薩克達 – 雙方都未對碰過。今次係薩克達首次殺入8強，但呢隊克羅地亞球隊，曾在2009年贏歐協盃，實力不容忽視。
熱刺、車路士：呢兩支倫敦球會聯賽，對碰已經過好多次。歐聯新貴熱刺，晌無包袱下，今季表現突出，加里夫巴利更係賽事其中一個亮點。車路士近年不斷增兵，銳意柒指歐聯錦標，一月增兵後，實力更有所增強。曼聯近年在史丹福橋出戰，均有被「食住」的往績，包括最近2-1敗於車路士腳下的聯賽。

國際米蘭：上屆歐聯冠軍，驚險下戰勝拜仁慕尼黑，取得8強資格。但同時亦要分心於聯賽，與宿敵AC米蘭爭聯賽冠軍。曼聯最近一次作客聖西路，追溯至2009年16強，當時兩隊賽和0-0 (兩回合曼聯勝2-0晉級)

巴塞羅拿、皇家馬德里：西甲雙雄，一隊為「地上最強」，雖然曼聯於出線後表明不懼怕任何球隊，但相信無一隊希望抽由於魯營球場作戰。最近一戰，曼聯就是在09年歐洲決賽，以0-2敗給巴塞。至於近七年首次打入8強嘅皇家馬德里，陣中粒粒皆星，當中包括前紅魔「天之驕子」C朗拿度、卡卡、奧斯爾、賓施馬、迪馬利亞，攻力十分強，而其領隊摩連奴表明不希望面對自己曾帶領的車路士和國際米蘭。